رانيا محمود ياسين: سميحة أيوب قالت أني خليفتها.. ومحمد رياض بيكون عصبي قبل دورة مهرجان المسرح

وجهت الفنانة رانيا محمود ياسين رسالة محبة وشكر للفنانة سميحة أيوب لتكريم اسمها بجعله اسم الدورة الـ 17 لمهرجان المسرح المصري، وعبرت عن رأيها في قرار محمد رياض بشأن تكريم النجوم الأحياء أولى من تكريم الراحلين، من خلال لقائها في رؤيا مصر.

رانيا محمود ياسين: محمد رياض تعب في دورة مهرجان المسرح المصري

تحدثت الفنانة رانيا محمود ياسين عن رأيها في الدورة الـ 17 من مهرجان المسرح المصري، وعن المجهود الذي قدمه الفنان محمد رياض، رصدها لكم موقع تحيا مصر، وقالت: "محمد رياض تعب جدًا في الدورة دي وبتمنى له كل التوفيق لأنه اجتهد زي ما اجتهد السنة اللي فاتت".

وتابعت رانيا محمود ياسين وقالت: "الدورة دي كمان باسم الفنانة الكبيرة سميحة أيوب فلازم تكون دورة تليق باسم مصر وتليق باسم سيدة المسرح العربي وبإذن الله تطلع دورة موفقة".

رانيا محمود ياسين: محمد رياض بيكون عصبي قبل الدورة

ومن جانبها، كشفت رانيا محمود ياسين كيف يكون محمد رياض قبل كل دورة للمهرجان، وقالت: "قبل الدورة محمد رياض بيكون عصبي بس مش علينا بلاقيه زعلان أو مضايق من حاجة مضغوط السنة اللي فاتت كنت مخضوضة من الحالة اللي هو كان فيها".

الدلع في العلاقة شيء مهم جدا.. أبرز تصريحات مريم الخشت

لقاء سويدان: اتعلمت من نور الشريف الانضباط.. ونفسي أقدم عمل استعراضي

وأضافت رانيا محمود ياسين وقالت: "السنة دي خلاص فهمت ومبقتش اسأله فيه إيه ولا أي حاجة بسيبه وهو بيجي يحكيلي إيه اللي مضايقه، ولو متكلمش أنا بكلمه في حاجة تانية تفصله عن اللي هو فيه وبعمل الحاجة اللي شايفاها هتريحه، وهو لابس نظارة سوداء لأن عينه وجعاه من المجهود".

رانيا محمود ياسين تعلق على قرار تكريم الأحياء بالمهرجان

قرر محمد رياض رئيس مهرجان المسرح المصري تكريم النجوم الأحياء بدلًا من الراحلين، وحرصت رانيا محمود ياسين على التعليق على قراره، وقالت: " هو شايف أن التكريم للأحياء مهم أكتر هو حر ودي رؤيته بما تكرم الراحلين اللي هيستلم التكريم الورثة دي حاجة بتفرح مفيش كلام".

ولكن أيدت قراراته وقالت رانيا محمود ياسين: "لكن لما أكرم الناس اللي بتجتهد وتشتغل وعاملين تاريخ كده بقولهم أشتغلوا أكتر وسمعت أكتر من مرة ناس قالت ياه التكريم ده جه في وقته كنت محتاجه".

رانيا محمود ياسين: سميحة أيوب قالت لي أني خليفتها

وعلى صعيد متصل، وجهت رانيا محمود ياسين رسالة شكر للفنانة سميحة أيوب وقالت: "ألف مبروك يا حبيبتي وأنتي تستحقي كل التكريم وأنتي فنانة كبيرة تليق باسم مصر أنتي أستاذتي وقدوتي فخورة أني اشتغلت معاكي عملين من أجمل الأعمال اللي عملتها في حياتي".

كما وجهت رانيا محمود ياسين الشكر لـ سميحة أيوب بسبب دعمها وقالت: "بشكرك على كل الدعم اللي قدمتيه ليا في بدايتي قالت لي ركزي في شغلك عشان أنتي هتبقى خليفتي وقعدت 3 أيام منمتش لأني مش مصدقة أنها قالت لي كده وأني أبقى خليفة سميحة أيوب حاجة مش سهلة"، واكدت أنها تحضر لأكثر من عمل هذه الفترة ورفضت الكشف عن أي تفاصيل.