بتعايرها بمرضها .. صديقة زوجة الإبن تكشف عن كواليس مثيرة وراء ضرب حماتها

تداول رواد السوشيال ميديا فيديو اثار ضجة كبيرة خلال الساعات الماضية، وتبين من خلاله ضرب سيدة لحماتها المسنة وسحلها داخل أحد المنازل واشعل الغضب بداخل قلوب كل من شاهده.

وهاجم رواد السوشيال ميديا الزوجة بشكل كبير، على ما صدر منها من فعل قاس اتجاه الحماة، حسب ما رصد موقع تحيا مصر تفاصيل الحادث وردود الأفعال.

ميول عدوانية .. خبير نفسي يعلق على ضرب زوجة ابن لحماتها في الشرقية

غضب عارم على السوشيال ميديا بسبب فيديو ضرب زوجة ابن لحماتها.. والابن يثير التعاطف

صديقة زوجة الإبن : الحماة هانت مرات ابنها عشان موسم عاشوراء 

لكن كشفت دنيا الغباري صديقة زوجة الإبن مفاجأة غير متوقعة، عن ضرب الحماة، قائلة «طبعا كلنا متعاطفين مع الحما وان مرات ابنها ضربتها وفالاخر هي ست كبيره ومينفعش ال حصل وعيب جداا والبنت غلطانه ومحدش يرضاها لوالدته نهائي وانا اولكو».

وتابعت دنيا الغباري، «بس تعالو نبص بقا على الحقيقه كامله عشان نحكم بما يرضي الله، البنت دي متجوزه في بيت حماتها وجوزها مسافر برا مش بيبعت لمراته جنيه وبيبعت كل فلوسه ع الست والدته، البنت عايشه عند اهلها وحماتها منعاها من طلوع شقتها ولو طلعت بيكون بإستأذان والحاجه مركبه كاميرا في المدخل وقدام الباب عشان طبعا تشوف لو جات او طلعت شقتها تكون هي سابقاها البنت كل م تطلب منها مصروف مش بتديلها راحتلها قبل اللي حصل بيوم مرضتش تدخلها قالتلها انتي مجبتيش موسم عاشواء وجايه تطلبي مصروف».

واضافت صديقة زوجة الإبن، «البنت قالت اجيب ليه وانا كدا كدا قاعده عند اهلي، راحتلها تاني يوم هي ومامتها زي موضح ف الفيديو مرضتش تدخلهم وقعدتهم عالسلم ف المدخل وبتكنس عليهم التراب وكانت دايما تعاير مرات ابنها بمرض عندها البنت طبعا مليانه ضغوطات وتراكمات وممنوعه كمان من القعده ف شقتها انفجرت وحصل اللي كلنا شفناه، غلط طبعا انها تمد اديها عليها بس الغلط الاكبر على جوزها المساق من والدته وملوش كلمه ولا عارف يحكم حتا ان مراته تدخل شقتها».

واستكملت، « الفيديو ليه متشال منه الصوت احنا كناس بنفهم نفهم اي وحده متربتش قليلة الادب ضربت حماتها تماام فين الصوت بردو، الام وهي بتحكي كمية مراوغه فالكلام بدأه كلامها بان البنت قالتلها هو انتي كنتي بتجبيلي موسم وانا مخطوبه، معني الكلام ان حضرتك سئلتيها فين الموسم راحت ردت بكدا، بتقول انا قولت لابني ابعتلها 3 او 4 الاف عشان متجيش كل شويه تقول عوزه فلوس، معني كدا ان ابن حضرتك مش بيبعتلها».

وتابعت دنيا الغباري، «كلام مقصوص وفي حلقه مفقوده ومش الحقيقه كامله، نيجي لاول الفيديو ناس جاينلك ونسايبك مش اي ناس تقعديهم ع السلم وبتكنسي ولا بتمسحي دي حركه عيب كأنك بتطرديهم  وهما بيكلموكي كمية استقلال بالناس مترضيش حد ام البنت بتتكلم وهي مش بصالها ولا مدياها اي اهتمام.، أم البنت بتبوس راسها راحت مدياها قلم وواضح وباين».