مي كساب: ماترددتش أني أشارك في العتاولة.. وشخصية عايشة تعباني نفسيًا
![مي كساب]( /UploadCache/libfiles/43/9/600x338o/168.jpg)
ADVERTISEMENT
أشارت مي كساب إلى كواليس مشاركتها في مسلسل العتاولة، خاصةً بعد النجاح الذي حققته في مسلسل جعفر العمدة بطولة محمد رمضان، من خلال ضيافتها في برنامج الراديو بيضحك للإعلامية فاطمة مصطفى.
مي كساب: كان نفسي بعد جعفر العمدة يكون لي خطوة مهمة
أكدت مي كساب أن بعد نجاحها في جعفر العمدة هدفها أن تقدم أعمال مهمة، من خلال تصريحاتها لبرنامج الراديو بيضحك، رصدها لكم موقع تحيا مصر، وقالت: "كان نفسي بعد جعفر العمدة يكون لي خطوة مهمة بالنسبة لي، كنت حاطة قواعد وجود نجم ومخرج كبار وورق مهم وشركة إنتاج قوية".
![](/Upload/libfiles/43/9/166.webp)
وأضافت مي كساب قائلة: "لما جات لي الفرصة أني أبقى في العتاولة ماترددتش لحظة، وبتربطني علاقة صادقة قوية بـ صادق وأنور الصباح كانت أول بطولة ليا من إنتاجهم مسلسل العتبة الحمرا، كنا هنكمل بس محصلش نصيب بنبقى عايزين نشتغل سوا بس مش بيكمل الموضوع".
مي كساب: الصباح عرض عليا اكتر من عمل وأنا اخترت العتاولة
وكشفت مي كساب مشاركتها في العتاولة كيف جاءت، وقالت: "كلموني بعد جعفر العمدة وقالوا لي ده الوقت اللي لازم نشتغل فيه مع بعض، عرضوا عليا أكتر من عمل وأنا اخترت العتاولة مش بس عشان الورق حلو والكاست فيه 5 نجوم كبار".
مي كساب: أحمد خالد موسى كان متحمس لي جدًا
ومن جهة أخرى، تحدثت مي كساب عن المخرج أحمد خالد موسى وقالت: “كان متحمس ليا جدًا وشايفني بشكل مختلف وكان مصمم أننا نطلع السنة دي مختلفين، والناس تشوف مي بشكل غير ما اتعودوا يشوفني”.
![](/Upload/libfiles/43/9/167.jpg)
وتابعت مي كساب قائلة: "مدرسته أنه يدي كل فنان مساحته وقالي من البداية أنه بيحترم كل دور على الورق سواء كان دور تاني تالت أو حتى ثانوي، دي وكنت مبسوطة منه كان في عدل في الموضوع".
مي كساب: شخصية عايشة أعوذ بالله تعباني أوي نفسيًا
ومن جانبها، أشارت مي كساب إلى شخصيتها في مسلسل العتاولة وقالت: "شخصية عايشة أعوذ بالله تعباني أوي نفسيًا، لأنها مريضة نفسيًا بتعلق أخطاءها على غيرها عندها منظور للحياة بعينها هي صفرا غلوية مش بتسيب حقها ومعندهاش مبدأ".
واسترسلت مي كساب قائلة: "كنت بشحن نفسي بكل ده ومن حظ جوزي وأولادي أني مكنتش في مصر، كفاية بس اللي كان بيحصل لما بكلمهم في التليفون الله يكون في عونه بجد، هي شخصية صعبة تعبتني بجد ودور حنة مكنش متسكن من أول لحظة مكنتش أحب أعمله لأني قدمته كتير مش هيقدم مني جديد".