محمد هنيدي: اشتغلت في عمر 9 سنين صبي حداد.. وجبت بأول 10 آلاف جنيه عربية بتكيف

كشف النجم محمد هنيدي عن تفاصيل عمله في سن الطفولة، وذلك من خلال لقاء له ببرنامج بيت السعد، الذي يقدمه كلا من الفنان عمرو سعد وشقيقه المطرب أحمد سعد، عبر شاشة تلفزيون قناة إم بي سي وان.

عمل محمد هنيدي في الطفولة

وقال محمد هنيدي في تصريحاته التي يرصدها موقع تحيا مصر: أنا اشتغلت في ابتدائي بس مكانش الهدف الشغل، كان الهدف أني أريح أهلي عشان كنت عامل قلق في امبابة كلها، وكان خال أمي بيشتغل مقاول حدادة فقالت له والنبي يا خالي خد الواد دا ريحني منه وطلبت منه أخد 5 جنيه في اليوم، وفي يوم نزلت معاه الشغل نزلت بالمرزبة على أيده وبعد كل دا كنت بتخانق معاهم أني عايز اليومية بتاعتي لأني مخدتهاش، وخدتها في الأخر وقعدت معايا سنة.

قصة محمد هنيدي مع أول 10 آلاف جنيه

وفي الحلقة ذاتها، كشف محمد هنيدي عن تفاصيل قصته مع تقاضي أول 10 آلاف جنيه في مسيرته، فقال: كان عندي عربية أونو بس مكانش فيها تكيف وكنت بعمل مسرحية ألابندا فجه أستاذ سمير حبيب قالي يا محمد هنعمل مسلسل تيمون وبومبة قولتله كويس هتدوني كام قالي هنديك 10 آلاف جنيه قولتله بس عندي شرط أنتم عايزين الشغل في اد ايه قالي قدامك شهرين قولتله لا هخلص في 10 أيام على شرط تديني الفلوس دلوقتي عشان رايح أجيب تكيف، وفعلا حصل وجبت العربية ورايح بيها شارع الهرم رايح مسرح الفردوس وكلمت صديقي قولتله استناني في مفاجأة راح جه اتوبيس خبطني من ناحية واوتوبيس تاني خبطني من ناحية تانية ومشيت لحد مسرح الفردوس ولقيت صديقي بيلطم لأن العربية كانت مفعصة.

في حفل عائلي.. خطوبة ابنة الفنان محمد هنيدي |صور

الأربعاء المقبل.. محمد هنيدي في ضيافة برنامج بيت السعد

أخر أعمال محمد هنيدي

ومن الجدير بالذكر أن أخر أعمال محمد هنيدي مسرحية ميوزيكال سكوول، والتي تدور أحداثها حيث يعود الأستاذ رمضان مبروك أبو العلمين حمودة بعد سنوات من الغياب إلى إدارة المدرسة، وهناك يواجه عدة مواقف كوميدية مع المدرسين والطلاب وأولياء أمورهم.

ويشارك في بطولة المسرحية عدد كبير من النجوم والنجمات، منهم: محمد هنيدي، محمد ثروت، نرمين الفقي، نانسي صلاح، أحمد سلطان، محمود حافظ، وغيرهم، والمسرحية من تأليف خليفة سمير، وأحمد محارب، ومن إخراج خالد جلال.