خيري بشارة: طلبت من عمرو دياب يكون على سجيته.. ورفض تدخل شيرين رضا في اختياراته

كشف المخرج خيري بشارة عن كواليس فيلم أيس كريم في جليم بطولة الهضبة عمرو دياب، لأول مرة من خلال لقاءه في برنامج سينماتك، كما كشف موقف عمرو دياب من تدخل شيرين رضا في عمله، وقتما كانت زوجته، من خلال موقف كان حاضرًا فيه.

خيري بشارة: سألت مين أكتر مطرب بتحبوه طلع عمرو دياب فاخترته

تحدث المخرج خيري بشارة عن سبب اختياره لـ عمرو دياب لبطولة فيلم أيس كريم في جليم والذي عرضه منذ 32 عامًا وكواليس العمل معه من خلال لقاءه في برنامج سينماتك، رصده لكم موقع تحيا مصر، حيث قال: "الفيلم مسلي وموسيقي وبيتكلم عن العالم اللي بيتغير ومش في مصر بنختبر التغييرات اللي في العالم، وعشان أمرر فيلم زي كده سألت مين أكتر مطرب بتحبوه طلع عمرو دياب فاخترته".

خيري بشارة: طلبت من عمرو دياب يكون على سجيته

وكشف خيري بشارة كواليس العمل مع عمرو دياب، وقال: "طلبت من عمرو دياب أنه يكون على سجيته وكان فيه مشهد ماستر سين ليه لما كان في عيد ميلاده بيتكلم عن نفسه لما جه القاهرة وجه منين وهو رايح فين، وعن أحلامه اللي مش راضية تتحقق، فطلبت منه يتكلم عن تاريخه هو الشخصي وهو بيمثل ومايحاولش يمثل".

صفعه بالقلم.. القبض على المتهم بالتعدي على الفنان تامر ضيائي بالتجمع الأول

غياب نجوم الوسط الفني.. لقطات من جنازة المؤلف شريف بدر الدين

خيري بشارة: مشهد فيه توحد بينا بشخصية علاء ولي الدين

وأضاف خيري بشارة قائلا: "في مشهد حاسس أن فيه توحد بيني وبينه، في شخصية علاء ولي الدين، هو دور صغير أوي وكنت حاسس أن علاء هو أنا، ده من المشاهد اللي ارتجلتها وكتبتها، لما عمرو دياب كل ما يضحك يستفز علاء ويقوله أن شكلي مش بيضحك".

خيري بشارة يكشف تدخل شيرين رضا في اختيارات عمرو دياب

ومن جهة أخرى، تحدث خيري بشارة عن موقف عمرو دياب من تدخل شيرين رضا في اختياراته، وقال: "هو كان نجم ومطيع جدًا وسلس وكان متجوز من شيرين رضا، وكنت بعمل ستايل ليه وبختار اللبس وبختار كل حاجة وروحت له البيت أشوف اللبس اللي عنده عشان أختاره، فكانت شيرين عندها اقتراحات وهو رفض أنها تتدخل وقالها سيبيه هو في دماغه حاجات وشايفني بطريقة معينة، ولكن أنا قولت له أنا ضد أني أحرج شيرين سيبها يا عمرو خليني أشوف الحاجات اللي هي شايفاها عليك".