مجدي عبد الحليم: نفسي المنتجين ياخدوا بالهم مننا.. إحنا مش هنتسول عيب

حل الفنان مجدي عبد الحليم ضيفًا على برنامج أنا وهو وهي المذاع عبر شاشة صدى البلد، وتحدث عن معاناته مع الفن تجاهل المخرجين والمنتجين له، وعبر عن حزنه لذلك.

مجدي عبد الحليم: لحد النهاردة أعمالي بتتعرض

تحدث مجدي عبد الحليم عن أعماله الفنية التي قدمها سابقًا، من خلال تصريحاته لبرنامج أنا وهو وهي، رصدها لكم موقع تحيا مصر، حيث قال: "لحد النهاردة أعمالي بتتعرض ووصلت لـ 300 عمل ومساحتي في التمثيل زمان كان أكبر عن دلوقتي".

وأضاف مجدي عبد الحليم قائلًا: "مفيش حاجة اسمها دور كبير أو صغير ولكن اسمها ممثل كبير أو صغير، ممكن ممثل كبير يعمل دور صغير ولكن يكون بصمة في وجدان الناس".

إصابة محمد فؤاد بهذا المرض .. تفاصيل

تأجيل محاكمة الفنان أحمد صلاح حسني في تسببه بتكسير سيارة بالتجمع

مجدي عبد الحليم: نفسي المنتجين ياخدوا بالهم منا مش هنتسول

وطالب مجدي عبد الحليم من المخرجين والمنتجين بالاهتمام بالنجوم الذين لا يعملون، وقال: "الدنيا والمخرجين والكتاب اتغيروا مبقاش في حد بيدور على حد، أنا عملت تامر وشوقية دي من الحاجات المهمة جدًا لكن مفيش حد بيرجع للتاريخ".

وأضاف مجدي عبد الحليم قائلًا: "نفسي المنتجين ياخدوا بالهم منا إحنا مش هنتسول عيب فنان كبير شاطر وصحته كويسة وموجود في الساحة وتتجاهله، عيب في حقك كمنتج وكمخرج لأني موجود دلوقتي في المسرح وعامل الحلم حلاوة وطيب وأمير وكنت مكسر الدنيا".

مجدي عبد الحليم: مش هطلع أعمل تيك توك

وأكد مجدي عبد الحليم أن السوشيال ميديا هي أصبحت المتحكم حاليًا، وقال: "أنا موجود بس في المسرح كبطل بس للأسف السوشيال ميديا كلت الجو شوية يعني لازم أطلع أعمل تيك توك، أنا مش مؤمن باللي بيتقدم يعني أحرك وشي على كلام ممثل تاني طيب ما أنا بمثل ومش هعمل ده لأني عايز أمثل".

واختتم مجدي عبد الحليم قائلًا: "لازم المخرجين والمنتجين والنقابة ياخدوا بالهم شوية على الأقل في كل عمل بيتقدم شارك النجوم القدام، إحنا زي فاكهة العمل وبشوف استقبال الجمهور والأطفال لينا على المسرح ولتاريخنا الناس لسه عارفانا".