خاص| حسان العربي: اتظلمت في الفن.. ومبعرفش أخبط على حد وأقوله شغلني

أكد الفنان حسان العربي أنه لم يأخد حقه في الفن، وتفاصيل عن أعماله القادمة، كما أشار إلى النجوم الذين يرغب في التعامل معهم في أعمال فنية في أول ظهور له بعد تعرضه لوعكة صحية مفاجئة نقل على إثرها للمستشفى.

حسان العربي: عندي مسلسل مع حورية فرغلي ورانيا يوسف

كشف حسان العربي عن الأعمال التي يحضر لها هذه الفترة لكاميرا تحيا مصر، وقال: "كنت عامل مسرحية مع حرية فرغلي ولبنى ونس وإخراج عمرو عاطف وإنتاج أحمد مختار  عرضنا 5 أيام لكن لسه مفيش حاجة في السينما أو الدراما غير مسلسل اتكلمنا فيه ممكن نصوره الأيام الجاية مع حورية فرغلي ومادلين طبر ورانيا يوسف".

وأضاف حسان العربي عن أعمال التي قدمها من قبل وقال: "الحمدلله بعمل بصمة في أي عمل بقدمه وبخلص فيه وبرضى بالقليل أوي وبحمد ربنا على كل حاجة، وبحمد ربنا على حب الناس اللي موجودة وإن شاء الله ربنا يسهل، وحاسس أن ربنا هيكرمني قريب أوي ويكون في شغل".

بعنوان ليلة الأحلام.. آمال ماهر وعمر خيرت يحييان حفلاً غنائيًا في جدة

خاص| حسان العربي: عندي مشاكل في القولون.. وبكيت وجسمي قشعر من حب الناس

وعن من يتمنى العمل معه، قال حسان العربي: "الجيل الجديد كلهم أصدقائي وأخواتي وأتمنى أشتغل مع كل واحد فيهم لأنهم مش غُرب عني ناس جميلة جدًا، وعندهم موهبة كبيرة وربنا يوفقهم ويسعدهم وأنا اشتغلت معهم كلهم وبحبهم".

حسان العربي: ماخدتش حقي في الفن واتظلمت

ومن جهة أخرى، عبر حسان العربي عن حزنه بسبب تعرضه للظلم فنيًا، وقال: "أنا ماخدتش حقي في الفن واتظلمت وشايف أني كان ممكن أكون في مكانة تانية ولكن مكانتي عند ربنا كبيرة والناس، ويكفيني أن الجمهور يقولي إحنا بنحبك جدًا وعامل بصمة في كل عمل وده بالنسبة لي شيء جميل ويسعدني".

وعن تصنيفه وأنه كوميديان، قال حسان العربي: "وفي ناس بتصنفني أني كوميدي ولكن أنا ممثل بقدم كل حاجة بقدم التراجيديا والكوميديا، ومفيش دور معين حابب أقدمه لأن الدور هو اللي بياخدك، وأنا لاقيت الدور في مسلسل المداح اللي رشحني له الأستاذ أحمد سمير فرج وشكره جدا وحمادة هلال فنان جميل".

حسان العربي: محتاج أخد مساحة أكبر واشتغل أكتر محتاج

وأضاف حسان العربي: "حسيت الدور عشان كده قدمته وأنا محتاج أخد مساحة أكبر واشتغل أكتر محتاج أكون في صف تاني يعني مكانة تانية بشكل احسن وأفضل وده هيجي من دور أفضل والدور يجي من المنتجين والمخرجين أو ترشيح نجم كبير ليا يدوني فرصة".

واختتم حسان العربي قائلًا: "في ناس مش عايز أقول أقل موهبة وخدوا فرص كبيرة لأنه صاحب المنتج أو المخرج ولكن الموهبة بتفرض نفسها، مبعرفش اخبط على حد وأقوله شغلني أو أروح في مكان فيه 4 آلاف واحد عشان أعمل مقابلة إزاي يعني لأني ممثل والناس عرفاه ولكن لي صمولة مفقودة بينا وبين المخرجين الجداد مش بنشوفهم".