دافعت عن شرفي ومهمنيش السلاح.. نبيلة عوض تصل المحكمة في أول جلسة لمحاكمة سائق أوبر

وصلت نبيلة عوض الشهيرة بفتاة التجمع، المجني عليها من قبل سائق أوبر فتاة التجمع إلى المحكمة لحضور أولى جلسات محاكمة المتهم الذي حاول اختطافها وهتك عرضها.

جرح وكدمات.. تفاصيل التقرير الطبي لـ فتاة التجمع ضحية سائق أوبر

اعترافات مفاجأة من سائق أوبر المتهم بواقعة فتاة التجمع

وصول نبيلة عوض الشهيرة بفتاة التجمع إلى المحكمة

وصلت نبيلة عوض، والمعروفة إعلاميًا بـ فتاة التجمع، إلى محكمة جنايات القاهرة، لحضور أولى جلسات محاكمة سائق أوبر المتهم والمدعو حسين بتهمة محاولة خطفها وهتك عرضها ومحاولة هتك عرضها بنطاق منطقة مدينة نصر، خلال استقلالها سيارة النقل الذكي من أمام منزل شقيقتها غلى أكتوبر.

نص التحقيقات في قضية نبيلة عوض فتاة التجمع

قالت نبيلة علوض فتاة التجمع في نص التحقيقات، والمدعوة نبيلة عواد، ضحية سائق أوبر المتهم باختطافها، والتعدي الجنسي عليها، وتهديدها بالقتل، وإصابتها في يدها بأداة حادة خلال شهر مايو الماضي، “ أنا قولتله أنت متضايق أو في حاجة أو محتاج الفلوس كاش نزلني هنا لأن أنا مش معايا فلوس كاش، وكان بيتجاهلني لما بكلمه وبعدين قال أنا خلاص بدأت الرحلة، وبعد كده مشي في الطريق، وأنا معرفش الطرق فلقيته ركن العربية على جنب الطريق، فأنا كان في وداني سماعات التليفون المحمول بسمع قرآن، فلما لقيته ركن العربية فشيلت سماعة منهم أشوف في ايه، لقيته بيقولي أنا ممكن أنزل أجيب مياه من شنطة العربية علشان عطشان أشرب، فقولتلوا اتفضل، نزل وفتح باب الشنطة وبعدين اتأخر شوية، فحسيت إن حاجة غربية بتحصل، فقومت لميت الشنطة بتاعتي وبفتح باب العربية علشان أنزل، وبعدين بدأت أنزل رجلي من العربية لقيته جه وماسك في إيده سلاح حاد بيقولي ده كتر ويقولي اهدي اهدي، ويزعق لو مابطلتيش صويت هقتلك”.

نبيلة عوض: مسكت السلاح الأبيض بإيدي عشان أدافع عن نفسي

وأضافت فتاة التجمع، “ قولتله اقتلني بس مش هتعمل معايا حاجة لأنه شد هدومي وكان عمال يمسكني، وأنا ساعتها كنت بدافع عن نفسي وماسكة بإيدي السلاح اللي في إيده وكان بإيده الثانية عمال يمسكني من جسمي، ويضربني على وشي ورأسي ويشدني من شعري، وأنا أصوت وأقوله حرام عليك أنا عندي عيال قعد يشتمني بيقولي اهدي، لحد ما حاولت أفتح باب العربية اللي ورايا، وأزحلق نفسي بره باب العربية اللي ناحية الطريق”.