اعترافات مفاجأة من سائق أوبر المتهم بواقعة فتاة التجمع
![نبيلة فتاة التجمع]( /UploadCache/libfiles/42/0/600x338o/415.jpg)
ADVERTISEMENT
تفاصيل مثيرة في قضية سائق أوبر المتهم بواقعة فتاة التجمع، حيث أدلى المتهم باعترافات تفصيلية حول الواقعة، كشف فيها تفاصيل الرحلة وكيفية لقائه بالمجني عليها، ويستعرض موقع تحيا مصر التفاصيل الكاملة في القضية.
اعترافات سائق أوبر المتهم بواقعة فتاة التجمع
وقال سائق أوبر المتهم بواقعة فتاة التجمع، أنه يعمل سائق بالسيارة لدى شخص، وحينما ينتهي من العمل معه يقوم بفتح التطبيق الخاص بـ أوبر ويعمل عليه لتوفير احتياجاته، وأنه يعمل سائق لدى ذلك الشخص منذ 8 شهور ويخدم والدته وأسرته بالكامل.
وكشف سائق أوبر المتهم بواقعة فتاة التجمع، يوم 11 مايو الساعة 9 بالليل فتحت البرنامج بعد ما خلصت شعل كنت عايز أجيب مصاريف بنزين العربية وجت لي رحلة من جنب الجامعة الأمريكية في التجمع لـ الشيخ زايد ووافقت عليها وكلمتها شات في البرنامج.
سائق أوبر يكشف تفاصيل ما حدث مع فتاة التجمع
واستكمل سائق أوبر المتهم بواقعة فتاة التجمع، قولت لها الرحلة كاش ولا فيزا وبعت لها رقمي عشان تكلمني، لانها بعتت كلمة مكنتش فاهمها، ومتصلتش بيا وروحت المكان ولما وصلت قولت لها عمارة كام، وأنا كنت عاوز الرحلة كاش عشان لو فيزا بتتحول للشركة وبتاخد وقت لحد ما تجيلي.
وتابع سائق أوبر بواقعة فتاة التجمع، بعت لها رقمي وبعتت كلمة مفهمتهاش لأنها بالإنجليزي، وهي ما اتصلتش بيا وبعت لها لقد وصلت، وهي كانت لابسة فستان أسود وأنا لما قولت لها أنا على البوابة الأمن قالي أنت أوبر قولت أه وخد الرخصة بتاعتي، وبعدها دخلت لها مسافة 100 متر لحد بيتها.
سائق أوبر يكشف تفاصيل رحلة نبيلة عوض
وقرر سائق أوبر المتهم بواقعة فتاة التجمع، وبعدها ركبت معايا ولما طلعت من الكمبوند ركنت عند البوابة ونزلت أخد الرخصة بتاعتي ومشيت، وأنا في الطريق قولت لها الحساب بتاع الرحلة ظاهر إنه فيزا ممكن تحوليها لـ كاش أو على انستا باي، فقالت الرحلة بكام ولقيتها بتقولي أقف على جنب ونزلني، وركنت وفتحت الباب ونزلت.
قولت لها هاتي التليفون بتاعي لقيتها واخداه ونازلة وبطلت العربية وشديته من إيدها قامت هي شداني من وداني اللي فيها السماعة اللي بسمع بيها فكنت اخدت منها التليفون وشديت السماعة فاتقطعت في ايدي أنا وهي وبعد كده نزلت وسابت الباب مفتوح، ولقيت فجأة عربيتين ملاكي واحدة وقفت قدامي والتاني ورايا وأنا مشيت وقفلت الباب بأيدي وأنا ماشي.
روحت على الشقة اللي أنا ساكن فيها في المقطم ونمت وتاني يوم نزلت رحت الفيلا على شغلي اللي أنا شغال فيه وبعدين لقيت اللي شغال معايا عنده بيكلمني وبيقولي فردة الكاوتش بتاعت العربية اللي معاه بايظة وهو واقف عند البنزينة وروحت له وبطلت العربية لقيت المباحث قبضت عليا وروحت القسم.