بمناسبة مرور 23 عامًا.. ماذا قال أحمد السقا عن فيلم أفريكانو؟
![مرور 23 عامًا على]( /UploadCache/libfiles/43/7/600x338o/83.png)
ADVERTISEMENT
يمر اليوم ذكرى مرور 23 عامًا على عرض فيلم أفريكانو لـ أحمد السقا ومنى زكي، والذي عرض عام 2001، وكشف أحمد السقا في تصريحات سابقة عن كواليس فيلم أفريكانو والمخاطر التي تعرض لها أثناء التصوير.
مرور 23 عامًا على فيلم أفريكانو
تحدث أحمد السقا في برنامج صاحبة السعادة للإعلامية إسعاد يونس عن كواليس فيلم أفريكانو والمخاطر التي تعرض لها أثناء التصوير، رصدها لكم موقع تحيا مصر، حيث قال: "جريت من الفيل والله كان هيموتني".
![](/Upload/libfiles/43/7/78.jpg)
وعن مشهد الأسد وأحمد السقا وأحمد عيد في السيارة قال: "وبسبب مشهد الأسد تقريبا أحمد عيد جت له سكتة قلبية من الخوف وصوته مطلعش وركبنا الصوت في الدوبلاج، إحنا اللي كنا جوه قفص والأسد هو اللي سايب وشيلنا القفص في الجرافيكس".
أحمد السقا: الأسد له دوبلير وأنا لا
وكشف أحمد السقا كواليس مشهد الأسد وقال: "بعد ما دخلنا القفص وحطوا المعدات سابوا الأسد وكنا جايبين دوبلير للأسد وأنا ماليش دوبلير والأسد طوله 8 متر، وكان جعان بقاله 5 أيام ما أكلش وإحنا بنواجهه".
وأشار أحمد السقا إلى استعداده هو ومنى زكي لمشاهد الأسد، وقال: "اتمرنت أنا ومنى زكي في سيرك العجوزة قبل التصوير مع محمد الحلو مع الأناكوندا، عشان الحاجات دي ميكونش شكلها غريب والأسود واترعبنا في وسط كل ده".
![](/Upload/libfiles/43/7/79.jpg)
وأوضح أحمد السقا أنه أصيب في مشهد الأسد في القفص، وقال: "وفي مشهد الأسد اللي كان عنده 4 شهور وأنا خارج جابني من ضهري بس كانت إصابة خفيفة".
أحمد السقا: الحبل اللي مربوط به كان هيفلت وربنا ستر
ومن جهة أخرى أكد أحمد السقا على خطورة مشهد الكمين للأسد، وقال: "وفي مشهد الأسد ولما كنا على الشجرة عاملين كمين للأسد وكنا مرتبين المشهد أنه يطلع جرافيكس، كانوا بيربطوا فرخة للأسد وبيسحبوا عشان الأسد يجي عند الكمين وأنا بنزل هقف قبل الأسد يكون هو وقع في الحفرة وكنت مربوط بسلك كان هيفلت بس ربنا ستر".
![](/Upload/libfiles/43/7/80.jpg)
وفي نفس السياق، تحدث أحمد السقا عن موقف لن ينساه في كواليس فيلم أفريكانو وقال: "وفي مشهد الزرافة وكنت بأكل الحيوانات، الزرافة غريبة هناك ولما روح أصور المشهد لاقيت الأرض بتتهز كأن في زلزال".
![](/Upload/libfiles/43/7/81.jpg)
وتابع أحمد السقا قائلًا: "ببص لاقيت كل العربيات اللي بتصورني بتجري وفجأة ملاقتش حد واقف لوحدي مع قطعان جاموس وحشي وزراف مش عارف أروح فين وطلعت شجرة لحد ما رجعوا خدوني".
أحمد السقا يكشف كواليس مشهد الشلال الشهير بـ بحبك
والجدير بالذكر، أن أحمد السقا كشف كواليس مشهد الشلال مين اعترف بحبه لـ منى زكي، وقال: "مشهد بحبك الشهير كنا على ارتفاع كبير ومفيش أكسجين والكرو كله كان بيغمى عليه".
![](/Upload/libfiles/43/7/82.jpg)
واختتم قائلًا: "أتصور المشهد بالهليكوبتر وكان ومحدش عرف يصوره غير سامح سليم وعمرو عرفة، وأنا أرمي نفسي من فوق كان أرحم لأن مفيش اكسجين فوق والمياه كانت تلج".