ميشرفنيش اقدمها .. مقدمة حفل تخرج تكسر بخاطر طالبة أمام الجميع | ايه اللي حصل ؟

حالة من الجدل أثيرت بسبب فيديو جديد من داخل حفل تخرج طلاب كلية الآداب جامعة قنا، بسبب موقف محرج من مقدمة الحفل لإحدى الطالبات، مما تسبب في حالة استياء عامة داخل القاعة.

سمعتي مبقتش موجودة .. تعليق البلوجر هدير عبد الرازق بعد تسريب فيديو خادش للحياء (القصة الكاملة)

جوزي ومش عارفة مين سرب الفيديو.. كواليس جديدة عن هدير عبدالرازق

تفاصيل فيديو مقدمة حفل التخرج كلية الآداب جامعة قنا

وتداول رواد السوشيال ميديا فيديو مثير للجدل في حفل تخرج طالبات جامعة قنا، رصده موقع تحيا مصر، ومقدمة الحفل تحمل المايك وقالت «للأسف حصل موقف مش لطيف خالص، بس البنت جت واعتذرتلي، بعد اذنك اتفضلي معايا على المسرح» وبالفعل صعدت الطالبة على المسرح.

ثم تابعت مقدمة الحفل بعد صعود الطالبة على المسرح، «هو موقف صغير ميستاهلش ولكن لا يليق بيا أنا كعبير الكاشف، كان يشرفني جدا جدا، أن أنا اقدمكم جميعا النهاردة، الا الاستاذه، أنا اسفه ميشرفنيش ابدا اني اقدمها، شكرا جدا ليكم».

هجوم على مقدمة حفل التخرج كلية الآداب جامعة قنا 

وهاجمت طالبات كلية الآداب بجامعة قنا داخل حفل التخرج، مقدمة حفل التخرج على انسحابها المفاجئ من الحفل، «البنت انتي بتقولي أنها اعتذر لك ايه اللزوم انك تعملي كدا علنا، وكمان ليه تنسحبي اصلا».

وعلق رواد السوشيال ميديا على فيديو حفل تخرج طالبات جامعة قنا، وانسحاب مقدمة حفل التخرج « انتي شكلك عايزه تبقي ترند، ايه اللزوم اللي انتي عملتيه ده، لا تعليق، مين يعني عبير الكاشف گسر الخواطر».

رد عبير الكاشف على الهجوم المثار حولها بسبب حفل التخرج

وردت عبير الكاشف مقدمة حفل تخرج طالبات كلية الآداب بجامعة قنا، قائلة «باختصار شديد احنا في حفلات التخرج بننادي بكل الأسماء عادي، لكن في ناس تانين بنقولهم تقديمات خاصة من عيلتهم أو اصحابهم».

وتابعت« اللي حصل امبارح اني قدمت اسم البنت عادي عشان مفيش حاجه بيني وبينها، وبعد ما استلمت الدرع، شتمتني، وقالت مين اللي خلاها تطلع مسرح، فجبتها قولتلها انتي ازاي تقولي عليا كدا، قالتلي أنا معرفش مين اللي بيقدم» 

واضافت «البنت فعلا اعتذرتلي بس انا مقبلتش اعتذارها، وبعد كدا مسكت المايك وحصل اللي الدنيا كلها اتكلمت عنه اني كسرت بخاطرها، وده كان التصرف الصحيح اللي كان لازم اعمله، وفضلت موجودة عشان التزام كلمتي مع شركة التنظيم، وكملت الحفلة وانا متجاهلة الموقف تماما، بس دمي فضل محروق ٣ ساعات».