نيللي كريم: مشاركتي في ولاد رزق 4 هزار.. وانتهيت من تصوير فيلم هابي بيرث داي

انتشرت أخبار عن انضمام نيللي كريم لـ فيلم ولاد رزق 4، كشفت نيللي كريم حقيقة هذا الخبر من خلال لقائها ببرنامج صباح العربية، كما تحدثت عن تعاونها مع المخرجة سارة جوهر في فيلم هابي بيرث داي.

نيللي كريم: مشاركتي في ولاد رزق 4 هزار

كشفت نيللي كريم حقيقة انضمامها لأبطال فيلم ولاد رزق 4، من خلال تصريحاتها لبرنامج صباح العربية، رصدها لكم موقع تحيا مصر، حيث قالت: "روحنا العرض الخاص لفيلم ولاد رزق 3 كلنا مع بعض وهزرنا أنا وطارق العريان وقالي معايا بقى في الجزء الرابع".

وأشادت نيللي كريم بنجاح فيلم ولاد رزق 3، وقالت: "عايزة أبارك لهم على الجزء التالت اللي عملوه نجح وكسر الدنيا في مصر والسعودية".

نيللي كريم: بحب الفاشون وبقدر الشغل اليدوي

وبمناسبة حضورها عروض أزياء، قالت نيللي كريم: "بحب الفاشون وبقدر الشغل اليدوي والتصاميم اللي بتتعمل لأني كنت بشتغل في دار الأوبرا المصرية من فترة طويلة جدًا".

وأضافت نيللي كريم: "عندنا في الأوبرا ورشة الأزياء كأنك طالع متحف، كل عرض باليه في زمن معين وقصة معينة والملابس بتحكي وتتكلم عن حدوتة، زي باليه بحيرة البجع كل فصل له فستان معين واستايل الباليه غير استايل الأوبرا والحاجات دي مهمة أوي بالنسبة لي".

تامر عاشور يرزق بمولودته الأولى.. ويطلق عليها اسم سيليا

نيللي كريم: فاتن حمامة أخدتني من الفوازير.. وبختار أعمالي حسب حالتي النفسية

نيللي كريم: خلصت فيلم هابي بيرث داي

ومن جهة، أخرى، أكدت نيللي كريم أنها انتهت من تصوير مشاهدها في فيلم هابي بيرث داي، وأشادت بمجهودات سارة جوهر مخرجة العمل، وقالت: "خلصت فيلم هابي بيرث داي، فكرة سارة جوهر أول مرة تخرج عمل، وأنا بتحمس للناس اللي بتخرج لأول مرة".

وتابعت نيللي كريم: "بحس فيهم شغف وحاجة مختلفة خالص، على عكس المخرج اللي أخرج قبل كده الفيلم بالنسبة له البيبي بتاعه، وأنا شوفت سارة جوهر بتشتغل إزاي مع كل ممثل ومعانا أطفال بتبقى معهم حساسة أوي، عندها ملاحظات دقيقة وبتحب الممثل وده مهم أوي".

واختتمت نيللي كريم حديثها عن سارة جوهر قائلة: "أحيانًا المخرج بيختار الكادر وفي مخرجين بيختاروا الأداء التمثيلي وقوة الإحساس وسارة من المخرجين اللي بتختار بالإحساس".