أحمد مرتضى منصور: أحمد رفعت كان صديق شخصي ورجع من الموت علشان يوصل لينا رسالة والدنيا مش مستاهلة.. فيديو

قال أحمد مرتضى منصور عضو مجلس إدارة نادي الزمالك السابق، أن الراحل أحمد رفعت ابن من أبناء نادي الزمالك، وأن مجلس إدارة النادي وقتها برئاسة مرتضى منصور كان يرفض رحيل أحمد رفعت عن النادي ولكن كان قرار المدير الفني وقتها رحيل اللاعب، ويستعرض موقع تحيا مصر تصريحات أحمد مرتضى منصور.

تصريحات أحمد مرتضى منصور

وأضاف أحمد مرتضى منصور في تصريحات عبر بث مباشر لموقع تحيا مصر في عزاء أحمد رفعت في الحامدية الشاذلية، سبب معرفتي بأحمد رفعت كان نادي الزمالك وعزاء اليوم هو الوفاء للاعب سابق في نادي الزمالك، ومرتضى منصور خارج النادي في الوقت الحالي.

وأكمل أحمد مرتضى منصور، أحمد رفعت كان صديق شخصي وأنا من قمت بالتعاقد معه لنادي الزمالك، وأطالب الجميع بالدعاء له بالرحمة والمغفرة، وأحمد رفعت رجع من الموت علشان يتكلم ودي مش بتحلم لأي شخص إلا لو كان ربنا بيحبه، والكل تأثر برحيل أحمد رفعت.

وتابع أحمد مرتضى منصور، أحمد رفعت كان إنسان محترم، الكل كان متأثر باللي حصل لأحمد رفعت في المرة الأولى، واللي حصل دا درس من ربنا بأن الدنيا مش باقية، ومحتاجين نراجع نفسنا ونخلي الحياة أبسط والخلافات أقل، والدنيا مش مستاهلة.

أحمد مرتضى منصور

واستكمل أحمد مرتضى منصور، النيابة والقضاء هم من يحددوا ما حدث مع أحمد رفعت والأجهزة التنفيذية ستقوم بعقاب المخطئ ولا يمكن أن نسبق الأحداث ونتهم أي شخص، ومرتضى منصور في موسم الكورونا قام بالحدث مع كل أندية الدوري الممتاز بإلغاء الدوري الممتاز، ودلوقت الكل بيشتكي والدوري دا لازم يتلغي.