حسام حبيب: شيرين عبد الوهاب بتهددني طول الوقت.. ومفيش حد بيحبها قدي

كشف المطرب حسام حبيب عن تعرضه للتهديد من قبل طليقته المطربة شيرين عبد الوهاب، وذلك من خلال تسجيل صوتي له ببرنامج et بالعربي.

حسام حبيب: شيرين عبد الوهاب بتهددني طول الوقت

وقال حسام حبيب في تصريحاته التي يرصدها موقع تحيا مصر: شيرين عبد الوهاب بتهددني طول الوقت وبتقولي مش هخليك تعرف تمشي في الشارع، ومن اسبوع قلبها كان واجعها وبتقولي كل ما حد بيشتم فيك بحس أن أنا السبب ومش عارفة اعمل ايه عشان أكفر عن الذنب دا.

وتابع: أنا معنديش مشاكل مع شيرين، هي على راسي من فوق.. ومفيش حد بيحبها في الدنيا قدي، وكنت أهبل لما سكت عن شتيمة شيرين عبد الوهاب فيا وكان لازم أطلع ادافع عن نفسي، ناقص ايه في الأخلاق الوحشة متقالش عليا !!.. بس ربنا كبير، وقسما بالله العظيم عمري ما أخدت من شيرين عبد الوهاب مليم.

حسام حبيب يكشف حقيقة تعديه على شيرين عبد الوهاب بالضرب

وفي التسجيل ذاته، كشف حسام حبيب حقيقة تعديه على شيرين عبد الوهاب بالضرب، وقال: والله العظيم أنا ممدتش ايدي عليها هي اللي معورة نفسها بطفاية ضربتها في دماغها ومعورة رجليها بمقص.. ومقدرش أقول أكتر من كدا.

تفاصيل جديدة وأسرار عن مشاجرة حسام حبيب وشيرين عبد الوهاب |القصة الكاملة

حسام حبيب: ممدتش ايدي على شيرين عبد الوهاب.. هي اللي ضربت نفسها

أخر أعمال حسام حبيب

ومن الجدير بالذكر أن أخر أعمال حسام حبيب أغنية كدابة التي طرحها عبر قناته الرسمية على موقع الفيديوهات العالمي يوتيوب، وتم حذفها بسبب اتهام حسام حبيب بسرقة اللحن من ملحن آخر.

وتقول كلمات أغنية كدابة: "كدابة مليانة عيوب طبعك قلابة، بتعيشي في دور انك متسابة، استاذة في التمثيل واخدة شهادة وتوكيل، بتخبي وشوشك وبتتداري في وش غلابة، نساية ناكرة الايام الحلوة معايا، مش بنت اصول ولا فيكي مزايا، شخصياتك انواع هايلة في فن الاوجاع وخلصت انا منك اه خرجتك من جوايا، وانا متبرعلك باللي ما بينا تعيشي عليه، شوفي يالا طريقك وامشي لوحدك كملي فيه، قلبي المكسور انا هعرف عادي نفسي اداويه، ولو اللي ما بينا في يوم جه في دماغك انسيه، شكاية وكلامك كله كانه رواية، بتألفي طبعا الف حكاية.