حقق حلم والده وكان بيحب الزمالك ومر بصعوبات كبيرة وكان بيحب البلايستيشن.. الصديق المقرب لـ أحمد رفعت يكشف كواليس هامة.. فيديو
ADVERTISEMENT
قال علي العمري أحد الأصدقاء المقربين لأحمد رفعت لاعب نادي مودرن سبورت، بأنه تعرض لصدمة كبيرة بعد سماع خبر وفاة أحمد رفعت، وأنه كان لاعب خلوق ويحب الخير للجميع، ويستعرض موقع تحيا مصر تصريحات علي العمري.
تصريحات علي العمري
وأضاف علي العمري، أحد الأصدقاء المقربين لأحد رفعت في مدينة أبشان في بث مباشر لموقع تحيا مصر، الكل صحى الصبح على خبر صادم وفاجعة بعد وفاة أحمد رفعت لاعب نادي مودرن سبورتس.
وأكمل علي العمري، أحمد رفعت كان لاعب خلوق وبسيط وعاش معانا في البلد ولحظات الطفولة والبلد كلها زعلانة عليه، وكنا بنلعب مع بعض بشكل مستمر، وكان أصغر مني بسنتين وكان من المقربين ليا، وكنا بنلعب مع بعض بلايستيشن.
وواصل علي العمري، أحمد رفعت تعرض لصعوبات كبيرة في حياته ومن صغرة ومع وفاة والدة وهو صغير كان الأمر صعب جدا عليه، وأبوه كان بيحلم وشايف أنه هيكون لاعب كبير في المستقبل.
علي العمري صديق أحمد رفعت
واستكمل علي العمري، حلم والد أحمد رفعت بأنه كان يكون نجم كبير في كرة القدم وحقق حلم والده، واتعرضت لصدمة كبيرة مع وفاة أحمد رفعت، وكنت إمبارح بقرأ الفاتحة ليا وكنت بكلمة ولكن فرحتي أتحولت لحزن، وقولتله عاوزك تيجي فرحي وقالي هاجي إن شاء الله، وكلنا كنا بندعم أحمد رفعت.
وأشار علي العمري، أحمد كان بيحب يلعب بلايستشين بشكل مستمر، وكان بيلعب بنادي الزمالك وكان بيحب شيكابالا وجمال حمزة، وكان بيحب الخير وأحمد كان طول عمره وحيد، ووالدته كانت معاه دايما وأكتر واحده أنا زعلان عليها.
واختتم علي العمري تصريحاته، أحمد دلوقت في أحسن مكان عند ربنا وسبتنا بدري ومشيت ولكن نقول إنا لله وإنا إليه راجعون.
جوجل نيوز
تطبيق نبض
