في ذكرى وفاة محمد الموجي| تعرف على قصة خلافه مع أم كلثوم.. وكواليس بكاء العندليب بسببه

تحل اليوم الإثنين ذكرى وفاة الملحن محمد الموجي، صاحب أنجح وأشهر الأعمال الغنائية في مصر والوطن العربي، وبمناسبة حلول ذكرى وفاته اليوم سيرصد موقع تحيا مصر قصة خلافه مع أم كلثوم، وكواليس بكاء العندليب بسبب نزوة دون المستوى دخل فيها الموجي أثناء زواجه.

قصة خلاف محمد الموجي وأم كلثوم

كشف أحد أقارب محمد الموجي عن تفاصيل خلاف الراحل مع أم كلثوم، وذلك في لقاء تلفزيوني سابق له، فقال: الناس اخدته على أنه خلاف بس هو مكانش خلاف، كان هزار، كان أتأخر في اللحن بتاع للصبر حدود أخر كوبليه كان بيتأنى فيه شوية وكل ما تكلمه وتقوله ها يا محمد خلصت اللحن يقولها لسه شوية، ويختفي وتدور عليه، وفي الآخر رفعت عليه قضية والقاضي بعتله محضر والقاضي قاله عايزينك في المحكمة فقال لما اروح اشوف الحكاية، فقابل القاضية وقاله مخلصتش اللحن بتاع ام كلثوم ليه فقاله تحكم عليا بايه.. احكم عليا بالتلحين راح قاله حكمنا عليك بالتلحين ومشي وكلمها في التليفون وقالها كدا بردو توديني المحكمة قالتله أحسن عشان تحرم متخلصش اللحن.

علاقة محمد الموجي وعبد الحليم حافظ

بينما تحدث أحد أبناء محمد الموجي عن علاقة والده بالعندليب عبد الحليم حافظ، فقال: بابا أول ما بدأ كان عايز يكون مطرب وعبد الحليم كان موسيقي فلما اتقابلوا مع بعض بابا لقى صوته في صوت عبد الحليم وبدأوا طريقهم لغاية قارئة الفنجان، وهما في طبيعتهم كانوا بيغيروا على بعض جدا لما عبد الحليم يلاقي بابا عمل حاجة مش عاجباه كان بيتدخل، لأن عبد الحليم كانت علاقتنا بيه علاقة عائلية أكتر مش مجرد علاقة بين اتنين موسيقيين وحتى كان بيتدخل في حياتنا أحنا كمان.

في ذكرى ميلاده| تعرف على سبب بكاء محمد الموجي قبل رحيله.. وحقيقة خلافه مع أم كلثوم

لماذا بكى عبد الحليم حافظ بسبب محمد الموجي ؟

وتابع: وحصلت نزوة لبابا وعبد الحليم اتضايق وحس أن محمد الموجي دا حاجة منه فلازم كان يقوله أبعد ومشوارك الفني واسمك، فطبعا بابا سمع لنصيحة عبد الحليم، وعبد الحليم بكى عشان بابا عمل كدا و هما الاتنين كانوا بيوجهوا بعض.