في ذكرى ميلاده| تعرف على سبب بكاء محمد الموجي قبل رحيله.. وحقيقة خلافه مع أم كلثوم
ADVERTISEMENT
تحل اليوم الإثنين 4 مارس ذكرى ميلاد الملحن القدير محمد الموجي، صاحب تاريخ فني موسيقي مشرف، حيث تعاون مع كبار المطربين والمطربات في الوطن العربي، منهم كوكب الشرق أم كلثوم، والعندليب عبد الحليم حافظ، وفايزة أحمد ووردة، فكانت كل تعاوناته الفنية مع تلك الأسماء اللامعة مثمرة جدًا، وبمناسبة حلول ذكرى ميلاده اليوم سيرصد موقع تحيا مصر قصة بكائه قبل رحيله، وحقيقة خلافه مع أم كلثوم.
سبب بكاء محمد الموجي قبل رحيله
كشف الموسيقار الراحل حلمي بكر عن تفاصيل أخر لقاء له مع محمد الموجي قبل وفاته، والذي أجهش بالبكاء خلاله، فقال في أحد اللقاءات التلفزيونية: الموجي أنا كنت أخر واحد شايفه في المستشفى وقابليها بفترة قالي هاجي أشرب عندك قهوة فجالي وكتب على صورتنا إلى أعز صديق مخلص في حياتي.
وتابع: ولما جالي أخر مرة كنت أول مرة أشوف دموعه في بيتي قالي أنا جايلك متضايق قبل ما يدخل المستشفى، قولتله في ايه، قالي تصور يا حلمي يجي عليا يوم اطلب مطرب عشان يجي يحفظ وميجيش، أنا محمد الموجي يجرالي دا ؟!، صعب عليا جدا أنه قال كدا وشوفت الدموع في عينيه، وكل الكبار اللي في حياتنا، أنا عايز أقول حاجة وبقولها للتاريخ، معظمهم اهملوا مع أنهم كانوا في أشد الحاجة أن الدولة تقف حواليهم ويدوا.
حقيقة خلاف محمد الموجي مع أم كلثوم
ومن ناحية أخرى، كشف أحد أقارب محمد الموجي في لقاء له ببرنامج معكم منى الشاذلي، عن حقيقة خلاف الملحن الكبير مع أم كلثوم، فقال: هو مكنش خلاف، الناس اخدته على أنه خلاف بس هو مكانش خلاف، كان هزار، هو كان أتأخر في اللحن بتاع للصبر حدود، وأخر كوبليه كان بيتأنى في شوية، وكل ما تكلمه تقوله خلصت اللحن يقولها لسه شوية، ويختفي وتدور عليه، وفي الأخر رفعت عليه قضية والقاضي بعتله محضر وقاله عايزينك في المحكمة، فقال لما أروح أشوف الحكاية، وراح قعد مع القاضي وقاله يا أستاذ محمد أنت مخلصتش اللحن بتاع أم كلثوم ليه.
واضاف: قاله أنت جايبني عشان كدا يعني، قاله اه رفعت عليك قضية عشان أنت مخلصتش اللحن لغاية دلوقتي، راح قاله خلاص احكم عليا بالتلحين، فقاله حكمنا عليك بالتلحين، ومشي وكلمها في التليفون قالها كدا بردو توديني المحكمة قالتله أحسن عشان تحرم.
جوجل نيوز
تطبيق نبض
