طارق الشيخ: المهرجانات دي تلمها وأقرب صفيحة زبالة تحطها.. ونفسي أعمل ديو مع حمزة نمرة

هاجم طارق الشيخ  المهرجانات من خلال لقاءه ببرنامج رؤيا مصر، وتحدث عن نجوم جيله وعن الفنان الذي يتمنى أن يتعاون معه وهو حمزة نمرة.

طارق الشيخ: المهرجانات دي تلمها وأقرب صفيحة زبالة تحطها

ومن جانبه، هاجم طارق الشيخ المهرجانات واستنكر أهميتها في الفن، من خلال تصريحات له في برنامج رؤيا مصر، رصدها لكم موقع تحيا مصر، حيث قال: "المهرجانات دي تلمها على بعضها كده وأقرب صفيحة زبالة تحطها فيها".

وأكد طارق الشيخ على ضرورة إختيار الكلمات فيما يقدم، وقال: "أنا بحترم اللي بيكتب ويغني كلمة كويسة أديني كلمة كويسة ماتدنيش إسفاف، ماتدنيش كلمة بمعنين معني كويس ومعنى وحش لأن الناس بتروح للإفيه المعنى الوحش".

طارق الشيخ: شغل المهرجانات تريند وبس

وأشار طارق الشيخ أن المهرجانات تعتمد على التريند والظهور فقط دون مراعاة معايير الفن، قائلًا: "شغل المهرجانات تريند وبس مش فارق بقى هو غنى إيه ولا عمل إيه إن شاء الله تبقى بخناقة المهم يطلعني تريند، النوعية دي تكسبك فلوس بس بعد كده عشان تطلع من النوعية دي تعاني".

في حب مصر.. حمو بيكا يشعل الأجواء في احتفالية بذكرى ثورة 30 يونيو

هنا الزاهد تخضع لإجراء تجميلي في أسنانها بعد تعرضها للتنمر| صورة

ووجه طارق الشيخ كلمة لرضا البحراوي، قائلًا: "أوعى تشغل بالك بحد أشغل بالك بنفسك بس وفكر في أغاني لنفسك", وبسؤاله عن أفضل مطرب رضا البحراوي أم عمر كمال، قال: "في فرق بين اللي بيأدي واللي بيغني رضا البحراوي على راسي من فوق ولو أديته حاجة هيغنيها والباقي هيأدي مش هيغني مع احترامي لأي حد فيهم".

نفسي أعمل ديو مع حمزة نمرة لأنه هو في حتة مختلفة عني هيكون في ميكس بينا وصوته عاجبني المهرجانات دي تلمها على بعضها كده وأقرب صفيحة زبالة تحطها فيها

طارق الشيخ: نفسي أعمل ديو مع حمزة نمرة

وكشف طارق الشيخ عن الفنان الذي يرغب في التعاون معه الفترة القادمة، وقال: "نفسي أعمل ديو مع حمزة نمرة لأنه هو في حتة مختلفة عني ويكون في ميكس بينا وصوته عاجبني، إنما لو اتنين شعبيين مع بعض هنقعد نخبط في بعض".

طارق الشيخ: بيني وبين عبدالباسط حمودة غيرة شغل مش نجاح

ومن جهة أخرى تحدث طارق الشيخ عن المطرب الشعبي عبدالباسط حمودة، قائلًا: "هو قبلي في الشغلانة ومحافظ على نفسه في الحتة بتاعته بعيد عن أي وجع قلب من اللي الواحد بيشوفه، وزي ما هو بيحب ينجح في شغله أنا كمان دي غيرة شغل مش غيرة نجاح".

وعن أفضل مطرب شعبي، قال طارق الشيخ: "محمد رشدي وأحمد عدوية وشفيقة رقم واحد لكن دلوقتي في جيلي رقم واحد عبدالباسط حمودة في حتة وحكيم في حتة تانية لهم سابقات أعمال ناجحة".

والجدير بالذكر أن طارق الشيخ كشف عن مخططاته في الفترة المقبلة، حيث قال: "أنا بنقي مزيكا جديدة وبعيدة عن اللي أنا قدمتها كلام الشعبي بتاعنا بس بنخالف في المزيكا مرة في راب ومرة التكنو ومرة في الهاوس".