لبلبة عن عصابة الماكس: استخدمت بدلة رقص فيلم خلي بالك من جيرانك

تحدثت لبلبة عن كواليس فيلم عصابة الماكس لـ أحمد فهمي، وكشفت تفاصيل لأول مرة عن بدلة الرقص التي ظهرت بها لبلبة في الفيلم وعن أهم مشهد لها من خلال لقاءها في برنامج ليالي TEN مع الإعلامية بوسي شلبي.

لبلبة: مكنتش بعرف أتكلم بالسيجارة ودلوقتي كلامي واضح

كشفت لبلبة كواليس فيلم عصابة الماكس خاصة عن المشاهد التي ظهرت بالسيجارة في فمها من خلال برنامج ليالي TEN، رصدها لكم موقع تحيا مصر، خاصةً أنها كلامها كان غير واضح بسبب السيجارة.

وقالت لبلبة: "مكنتش بعرف أتكلم والسيجارة في فمي وكلامي مكنش بيبان لكن دلوقتي كلامي واضح ودي حرفة، المخرج قالي عايزك تتكلمي والسيجارة في فمك من غير ما تقع، كنت كل بما أحطها وأتكلم كانت بتقع لحد ما عرفت أتكلم بها من غير ما أمسكها بأسناني".

مجلس الموسيقيين يرحب بمقترح مصطفى كامل بزيادة فواتير علاج الأعضاء| تفاصيل

شيرين عبد الوهاب ترد على حسن الشافعي: يجب أن نحترم عقول الناس

لبلبة عن مشهد الدخان في الصلاة: كنت هتخنق

وعن مشهد خروج الدخان من فمها وهي تتظاهر بالصلاة، قالت لبلبة كاشفة السبب وأنها كادت أن تختنق بسبب هذا الدخان: "نسيت وأنا بلبس الطرحة والسيجارة في فمي واندمجت، لأن اللجنة كانت داخلة علينا وأنا ارتبكت فحطيت الطرحة على راسي ولبست العباية ونسيت السيجارة، شالوها والدخان كان في فمي وكنت هتخنق".

واسترسلت لبلبة قائلة: "ومن الحاجات اللي متصورتش أبدًا حد يضحك عليها لما قولت لروبي أخزي الشيطان وألبسي المايوه ولاقيت كل اللي بيصورني بيضحكوا  بس مكنتش عارفة أن السينما هتضحك".

لبلبة تتحدث عن بدلة الرقص في فيلم عصابة الماكس

وعلى صعيد آخر، أكدت لبلبة أن بدلة الرقص اللي ارتدتها كانت تحتفظ بها للذكرى من فيلم خلي بالك من جيرانك  حيث أن المخرج محمد عبدالعزيز طلب منها بدلة رقص تعود بالزمن القديم واختارت لبلبة بالفعل بدلتين اختار من بينهما واحدة واحتفظت بالأخرى.

وفي مشهد الرقص بفيلم عصابة الماكس قال لها المخرج "أنا عايز بدلة رقص زي زمان" ولذلك تذكرت لبلبة بدلة الرقص من فيلم خلي بالك من جيرانك المحافظة بنا وقامت بتصويرها للإستايليست منى التونسي والتي أعجبت بها ووافقت عليها.

وأوضحت لبلبة أنها حين ارتدت البدلة وجدتها ضيقة بعض الشيء وقالت: "ولما لبستها لاقيتها ضيقة هي السوستة بتتقفل وصورتها للإستايليست مدام منى التونسي وقالت لي هايل هي دي اللي هتلبسيها لأنها باينة من أيام زمان ولما لبستها السوستة اتفتحت ولكن ظبطناها ودخلت رقصت ونسيت نفسي".

أختتمت لبلبة قائلة: "أنا مش بتقمص أنا بلبس الشخصية والباليه الكلاسيكي هو قواعد الرقص بيتحفر وكل حركة في الباليه لها اسم واتعلمته من طفولتي مش ممكن أنساه".