باسم ياخور: الكوميديا اتراجعت ومبقاش شرطها الوحيد موجود

صرح الفنان باسم ياخور عن رغبته بعدم تقديم أدوار الكوميديا، وأن الكوميديا تحتاج لمقومات ليست موجوده حاليًا، وكشف عن إمكانيه دخول نجله للوسط الفني خلال الفترة المقبلة.

باسم ياخور: الكوميديا ليها شرط واحد غير موجود حاليًا

تحدث الفنان السوري باسم ياخور عن عدم رغبته بتجسيد أدوار كوميديا خلال الفترة المقبلة، من خلال تصريحات رصدها موقع تحيا مصر، حيث قال: معنديش رغبة حاليًا إني أجسد أدوار كوميدية خاصة أن الكوميديا تراجعت جدًا، والكوميديا ليها شرط واحد وهو غير مطلوب حاليًا على المنصات والمحطات، والتوجه العام توجه مختلف، وإحنا للأسف مضطرين نواكب التوجه العام مع مؤسسات كبيرة بتاخد الدراما وهي بتحدد إجمالًا إيه النوعية اللي لازم يتم إنتاجه.

وأضاف باسم ياخور: بحن لأيام الماضي في بلدي سوريا، كانت أيام حلوة ووضع البلد كان مختلف، وكل حاجة كانت أبسط من دلوقتي، كل ما بتمر سنة كل ما الأمور بتبقى معقدة، الحياة كانت أبسط وكنا مبسوطين أكتر.

باسم ياخور يتحدث عن الشخصية التي يرغب في تقديمها

ومن جانبه، تحدث الفنان باسم ياخور عن الشخصية التي يتمنى تقديمها خلال الفترة المقبلة، فقال: الممثل اللي مفيش أدوار بتستفزه حتى لو هو عامل أهم شيء في حياته المهنية بيكون انتهى، وأي شخصية أي كان نوعها الممثل ممكن يشتغل عليها من جديد ويطلع منها مادة حلوة.

بعد احتضان معجبة لـ راغب علامة.. تصرفات غريبة من المعجبين تجاه النجوم على المسرح

الجزء الثاني من فيلم الحريفة يضع أبطال جدد على سلم الشهرة

دخول نجل باسم ياخور لعالم الفن

وكما وتابع الفنان باسم ياخور حديثه، وعن رغبة نجله في الدخول للوسط الفني، فـ علق: ابني مالوش اهتمامات فنية، والحقيقة هو مركز في دراسته ويقرر اللي عايزه في حياته واللي هو بيحب يعمله، وإذا كان له اهتمامات فنية يومًا ما ممكن أساعده ولكن مش هقوله يعمل إيه أو ميعملش إيه، وهو مالوش اهتمامات بالشهرة ودي حاجة أنا بحبها فيه.

وأضاف باسم ياخور عن استخدامه تطبيق تيك توك، فقال: دخلت التيك توك من 3 سنين، ولو عدينا الفيديوهات اللي نزلت طوال الـ 3 سنين ممكن يطلعوا 20 فيديو، وأنا مبعملش لايف على تيك توك ولا بدخل في تحديات التيك توك، وقليل جدًا لما بدخل على التيك توك.