ياسمين عز: اي حد يسألك عاملة اي في الحر ده جوزك مجبلكيش تكييف.. قوليله دبلته مهوياني
![ياسمين عز]( /UploadCache/libfiles/33/4/600x338o/369.jpeg)
ADVERTISEMENT
تواصل الإعلامية ياسمين عز تصريحاتها المثيرة للجدل عن المرأة وعلاقتها بالرجل وذلك خلال برنامج كلام الناس والذي تقدمه على شاشة قنوات mbc مصر وتفاعل معها الجمهور في الساعات الماضية بالسخرية والتساؤلات الغريبة.
ياسمين عز: اي حد يسألك عاملة اي في الحر ده قوليله دبلته مهوياني
وقالت ياسمين عز في تصريحات رصدها موقع تحيا مصر: ياسمين عز: لما واحدة حبت تسخنك على جهوزك وقالتلك اي اخبارك يا عروسة عاملة اي في الحر ده هو مجبلكيش تكييف قوليلها مش حاسة بالحر خالص دبلته مهوياني، والعكس في الشتاء تقولي دبلته مدفياني، الجو بيقلب لكن الدبلة مبتقلبش ومستمرة معانا في الفصلين بتدفي وتهوي.
![](/Upload/libfiles/39/4/359.jpg)
وتابعت ياسمين عز: التكييف على العروسة والكهرباء على العريس معروفة.
ياسمين عز توجه رسالة المتزوجات
ووجهت ياسمين عز رسالة للمتزوجات، قائلة: الحر اللي إحنا فيه جو صيفي مناسب ليكي جدا لتكبير المواضيع مع جوزك وقطع العلاقات لو ده اللي هيريحك.
وتطرقت ياسمين عز بحديثها عن أزمة انقطاع الكهرباء في نفس الحلقة فقالت: قطع الكهرباء مش كوميديا ده حاجة الناس بتعاني منها متقعدوش تصوروا نفسكم حوا الاسانسير وتتريقوا مينفعش يحبايبي.
![](/Upload/libfiles/37/0/832.jpg)
ياسمين عز تتحدث عن أزمة انقطاع الكهرباء
وتابعت ياسمين عز حديثها: هناك أشخاص يعانون من هلع وفوبيا من الأماكن الضيقة، وهذا مرض حقيقي وليس دلعًا. بعض الناس لا يستطيعون التنفس لمجرد رؤية تلك المشاهد وأنتِ بتهزري ومحبوسة داخل المصعد وهو مظلم، حتى لو مش بتهزر، بتفتح فيديو وتتكلم، ايه اللي هتستفيده؟ حاول تتصرف وتخرج وتنادي على حد، هذا ليس موضوعًا يجب أن نعتبره عاديًا أو نمزح بشأنه ونعمل فيديوهات تيك توك داخل المصعد. دا مش هزار ومش هينفع يكون حاجة عادية وهذا ليس صحيحا.
واختتمت ياسمين عز حديثها: نريد أن تنتهي هذه المشكلة وأن تعود الكهرباء، لذا يجب علينا تجنب الفيديوهات التي لا فائدة منها، هذا ليس دور الأطفال أو المراهقين فقط، بل هو دور الآباء والأمهات الذين يشتكون من انقطاع الكهرباء. لا يجوز أن تشتكي من انقطاع الكهرباء بينما ابنك أو بنتك محبوسين في المصعد ولا يخافون. زمان كان الأطفال يبكون ويصرخون من الخوف عند انقطاع الكهرباء، واليوم نجدهم يصورون تيك توك وهم محبوسون. أنتم جيل جبار.