شريف مدكور: فخور إني عمري ما شفت المخدرات ولا جربتها

صرح الأعلامي شريف مدكور عن انه لم يتناول السجائر أو المخدرات طوال حياته، وهو ما يجعله فخور بنفسه، ويستنكر فكرة التدخين، وممنوع التدخين في منزله وسيارته.

شريف مدكور: مش قادر استوعب الناس اللي بدخن

نشر الأعلامي شريف مدكور عبر حسابه الرسمي بموقع الفيسبوك ورصده موقع تحيا مصر، وكتب: فخور إني عمري ما شفت المخدرات، ولا جربتها ولا في حياتي شربت حتى سجاير عاديه، وحقيقي مش قادر أستوعب الناس اللي بتشرب الحاجات دي!، مش متخيل إني أطلع دخان من بؤي ورحتي تبقا سجاير!، نعمة وفضل وطبعًا ممنوع تمامًا حد يدخن في بيتي أو عربيتي.

شريف مدكور يتحدث عن تعرضه للتنمر

ومن حانبه، تحدث الأعلامي شريف مدكور عن معاناته بسبب التنمر في تصريحات تليفزيونية، حيث قال: اتصابت بالسرطان من كتر الشتيمة والتنمر وأنا في صراع مع المجتمع، ومكنتش بخلي أبويا وأمي يسمعوا الشتمية، ومش عايز أخلف عشان ولادي ميتعرضوش للتنمر.

وتابع: أنا مش من نوعية الناس اللي بتخاف ومعنديش مشكلة أخسر الجمهور بس مخسرش نفسي، وفي حاجات سياسية بتكلم فيها مش بتعجب الناس ودينية، وبطلع في وجه طفولي في شويه براءة عشان هو برنامج ترفيهي لأسرة.

وأضاف شريف مدكور عن سبب عدم زواجه حتى الآن، فقال: ارتباطاتي بتبوظ بسبب طبعي الصعب وعندي وسواس في النظافة، وصاحب الفضل عليا هو أنا وبحب نفسي جدًا.

واستكمل: كنت مسافر باريس وجالي شاب برازيلي وقالي ليه المحجبات عندكم بتلبس لبس ضيق؟، وأنا بغير على ستات بلدي وفي مصممة أزياء جتلي البرنامج محجبة ولابسه ضيق مطلعتهاش عشان حاجه هتضر سمعة ديني وبلدي.

واختتم شريف مدكور حديثه بأن للمحجبات واجبات لا يجب تخطيها، حيث قال: من حق الفنانات يلبسوا زي ما هما عايزين لكن المحجبات لاء، والمفروض اللي تتحجب متبقاش ملفتة.

منهم شريف مدكور وكندة علوش.. مشاهير طالبوا بحظر التيك توك

التنمر سبب إصابتي بالسرطان.. أبرز تصريحات شريف مدكور في برنامج ع المسرح

سبب لقب مذيع الستات على شريف مدكور

وخلال لقاء سابق لشريف مدكور، تحدث عن لقب مذيع الستات التي يلاحقه دائما، فقال: تاج على راسي يتقال عني مذيع الستات، أنا صاحب الفضل على نفسي في مسيرتي المهنية، بقيت مذيع بالصدفة وبحب نفسي جدًا، كنت طفل هادي وخايب في المدرسة والأخير على الفصل دايمًا، والوسواس القهري سبب ابتعادي عن الزواج والإنجاب.