أحمد الفيشاوي ومحمد هنيدي.. نجوم في مرمى انتقادات طارق الشناوي

أثار الناقد الفني طارق الشناوي الجدل عبر السوشيال ميديا بعدما هاجم عدد من النجوم أبرزهم أحمد الفيشاوي ومحمد هنيدي ومصطفى قمر.

طارق الشناوي: أحمد الفيشاوي خسر كتير بعد مشاركته ف ولاد رزق 3

حل الناقد الفني طارق الشناوي ضيفًا على برنامج آخر النهار، وهاجم أحمد الفيشاوي  في تصريحاته، رصدها لكم موقع تحيا مصر وأكد خسارته بعدم المشاركة في فيلم ولاد رزق 3.

وقال طارق الشناوي: “أحمد الفيشاوي موهوب لكن معندوش عقل يدير موهبته، مصمم إنه يقدم بطولة مطلقة في السن ده لكن المشهد في النهاية هو اللي بيكسب، وخسر كتير بعدم مشاركته في ولاد رزق 3".

طارق الشناوي: فكرة إن محمد هنيدي البطل المحوري ورقة وانتهت

ومن جهة أخرى، هاجم طارق الشناوي الفنان محمد هنيدي من خلال تصريحاته لـ برنامج ET بالعربي، وقال: "محمد هنيدي محتاج في الفترة المقبلة يبعد عن البطولة المطلقة، ويفكر في بطولة مشتركة مع كريم عبد العزيز أو أحمد عز، يقدم أدوار تانية".

صابر الرباعي: أتمنى المشاركة في عمل رومانسي.. وكان نفسي أغني لقيت الطبطبة

حفظ البلاغ المقدم ضد هاني شاكر بتهمة سرقة قصيدة رحماكي| تفاصيل

وانتقد طارق الشناوي إصرار محمد هنيدي على البطولة المطلقة، وقال: "فكرة إن محمد هنيدي يبقى البطل المحوري ورقة وانتهت، وبقوله ألعب بقى في سكة تانية وتعمل عمل فني أنت أحد الأبطال ومش شرط تبقى البطل الأول وإذا راح السكة دي ممكن يبقى عنده زمن تاني في السينما".

كما تابع الهجوم على محمد هنيدي وانتقده في فيلم مرعي البريمو، وقال طارق الشناوي:"محمد هنيدي وعد جمهوره قبل مرعي البريمو، وزود أوي سقف التوقعات، والواقع كان هزيلًا ومفيش فيه شيء جديد ولا مختلف، والفيلم في أسوأ حالات المخرج والكاتب والنجم والعناصر كلها مجتمعة أدت للفشل الذريع للعمل".

طارق الشناوي: مصطفى قمر عايش على الزمن القديم

والجدير بالذكر، أن الخلاف بين طارق الشناوي ومصطفى قمر وصل إلى القضاء المصري حيث حرر الناقد الفني طارق الشناوي محضر سب وقذف ضد مصطفى قمر، وجاء ذلك على خلفية هجوم طارق الشناوي على مصطفى قمر بسبب فيلم ولاد حريم كريم وهو الجزء الثاني من فيلم حريم كريم.

حيث قال طارق الشناوي: "فيلم أولاد حريم كريم من أسوأ الأفلام التي عرضت هذا الموسم، والمخرج علي أدريس قدم عملًا ليس له علاقة بالسينما، ومصطفى قمر عايش على الزمن القديم، في عز فشله كمطرب قرر أنه يعمل الفيلم واللي اشتغل معه الجزء الثاني الحريم اللى مش مطلوبين أوي في السينما".

ليعلق مصطفى قمر على الهجوم الموجه ضده وقال عبر حسابه الرسمي بموقع تبادل الصور والفيديوهات الإنستجرام، وقال: "هو أنا مش طلبت منك تبعد عني أصلًا وماتتكلمش عني علشان ماتتهزأش طيب أنت اللي جيبته لنفسك عمومًا ياللي اسمك طارق أنت كاتب كلام أهبل يدل للمرة المليون أنك ماشفتش الفيلم وعمومًا اللي هيرد عليك جمهور السينما الحقيقي اللي دخل الفيلم اللي مالوش دعوة بالنفاق او مصلحة أي فيلم تاني فكرني كده شغلتك ايه؟ هي من أربع حروف بيتهيألي".