كندة علوش بعد إصابتها بالسرطان: عايزة أخوض الرحلة لوحدي.. مش حابة الناس تعاملني كمريضة

كشفت كندة علوش مرحلة علاجها من مرض السرطان ورغبتها في خوض رحلة العلاج بمفردها، كما أشارت إلى إصابة والدتها بنفس المرض ولكن مع اختلاف الحالة والنوع، من خلال لقاءها في بودكاست specials  للإعلامية منى الشاذلي.

رحلة علاج كندة علوش من السرطان

أشارت كندة علوش إلى رحلتها مع العلاج من السرطان، بمساعدة زوجها، في تصريحات لـ بودكاست specials، رصدها لكم موقع تحيا مصر، حيث قالت كندة علوش عن إصابتها بالسرطان: "اتفقت انا وعمرو نحل المشكلة بسرعة وربنا ساعدني بشكل مش معقول نزل عليا من أول ثانية سكينة وطمأنينة ورضا".

وأوضحت كندة علوش كيف بدأت رحلت علاجها من السرطان وقالت: "أنا بقالي سنة وشهر في رحلة علاجي ويتلقى الجزء المتبقي للعلاج الكيماوي بالإضافة للهرموني لحد دلوقتي، ولسه مخلصة الإشعاعي من شويه، والدكتور شرح لي رحلة العلاج وهي 6 شهور من العلاج الكيماوي بعده العملية وبعدها لو خلص تمام ولو مخلصش هنكمل كيماوي بعده الإشعاعي بعد كده الهرموني".

وأضافت كندة علوش أنها بدأت العلاج بعد التحاليل بأسبوع بالكيماوي وقالت: "كنت باخده بشكل أسبوعي وكلنا بنسمع مأسي عنه بس أنت الرحلة كانت لطيفة بفتكرها بطلق وبذكريات لطيفة، كنت بروح أنا وعمرو في الأول".

كندة علوش تكشف سبب غيابها عن الأضواء وإصابتها بالكانسر| القصة الكاملة

انا خايف شيرين تضيع.. عمرو أديب يتحدث عن أزمة شيرين عبد الوهاب

كندة علوش: كنت عايزة أخوض الرحلة دي لوحدي

وأشارت كندة علوش أنها كانت لا ترغب في أن يعلم أحد بمفردها قائلة: "كنت عايزة أخوض الرحلة دي لوحدي وكنت بقول لعمرو ماتجيش بس هو بيكون مُصر أنه يجي، وكنت حاسة أني عايزة أشيل مسئولية نفسي وأشفي ونفسي بوعي وأنا مركزة ومش عايزة الناس تتعامل معايا كمريضة وده مش إنكار ولكن لو عشت في الموود ده هتعب".

وتابعت كندة علوش عن إصابتها بالسرطان: "اخترت أكون طبيعية وأعيش حياتي بشكل طبيعي وسن أطفالي 2 و5 سنين مش بيدي رفاهية أني أدلع أو أتعب مش هدخلهم فكرة المرض البيت عشان كده لازم أبقى قوية ومتماسكة وده كان صعب كتير في أوقات، ولكن التفاصيل دي ساعدتني أعدي الرحلة بسلاسة وبساطة".

كندة علوش تكتشف إصابة والدتها بالسرطان

وعلى صعيد آخر، كشفت كندة علوش عن صدمتها لإصابة والدتها بالسرطان، وقالت: "الكسرة الحقيقة لما عرفت أن ماما عندها نفس المرض بعد شهر بالظبط، وفي نفس المكان الثدي اليمين بس الحالة مختلفة ونوع المرض مختلف، ودي كانت صدمة بالنسبة لي أكبر من معرفتي بإصابتي".

وتابعت كندة علوش قائلة: "ماما كانت في سوريا ورجعت قالت لي أنا شاكة أن في حاجة لأن في كتلة عندي وقتها اتعصبت عليها جامد تعصيب مش مبرر وقولت أنها بتوسوس عشان مرضي ولما كشفت عرفنا بمرضها، الخبطة دي مكنتش قادرة استوعبها وخدت مني وقت عشان استوعبها".

كندة علوش تكشف رحلتها مع والدتها للعلاج من السرطان

وأكدت كندة علوش أنعا لم تيأس من رحمة الله حتى بعد إصابتها والدتها بالسرطان وقالت: "مفيش ولا لحظة قولت فيها ليه يارب أنا ووالدتي في نفس الوقت، ولكن قولت ربنا عايز يوصلي رسالة أني اهتم بماما وبصحتي بشكل أكبر ، ماما ورمها كان كتلة وبالتالي عملت العملية على طول وبعدها تاخد الكيماوي".

واختتمت كندة علوش حديثها قائلة:  "بدأنا نروح سوا ناخد الكيماوي مع بعض، وشعري وقع بنسبة 60% منه واشتريت باروكة بس مش لبستها لأن شعري وقع من كل راسي مش مكان معين وظهر أنه خفيف لكن ماما للأسف شعرها وقع كله، وماما كانت بتقوى بيا بحكم أني مش قلوقة، وطول الوقت كنت بقول الحمدلله وبشكر ربي على النعمة دي وإن ربنا ميزني بالموضوع ده، لأن اللي بيعلمنا هو الوقعات ولحظات الفشل والصدمات عشان كده كنت مدينة أني أحمد ربنا طول الوقت".