كندة علوش تكشف سبب غيابها عن الأضواء وإصابتها بالكانسر| القصة الكاملة

حلت كندة علوش ضيفة مع الإعلامية منى الشاذلي في بودكاست specials، وكشفت فيه عن سبب غيابها عن الأضواء لمدة سنة ونصف وبداية اكتشافها لمرض الكانسر.

منى الشاذلي تستضيف كندة علوش في بودكاست specials

استضافت الإعلامية منى الشاذلي الفنانة كندة علوش في بودكاست specials، وكانت مقدمة البودكاست عن ما يقال عن غياب كندة علوش، رصدها لكم موقع تحيا مصر.

حيث قالت منى الشاذلي: "أكتر من سنة ونص مش بتشارك في أعمال درامية ولا مناسبات عامة في ناس قالوا أنها بقيت كسولة وحبت قعدة البيت واكتفت بنجاح زوجها وناس قالت لسه قدامها وقت لأن أولادها لسه صغيرين".

وتابعت منى الشاذلي قائلة: "وناس قالت أنها اختفت لأنها مش عارفة تستعيد لياقتها ورشاقتها ولكن الحقيقة أنها كانت في تجربة صعبة فضلت أنها تخوضها لوحدها قالت أنا مش عايزة أصعب على حد فضلت العزل. الإيجابية عشان تركز في المعركة".

كندة علوش تعلق على سبب غيابها عن الأضواء

قالت كندة علوش خلال بودكاست specials: "بقالي فترة طويلة غايبة عن الناس سواء شغل كدراما أو كحضور إعلامي في أسباب كتير ولكن السبب الأساسي هو مرض بس أنا مش بحب أسميه مرض بس الوضع الصحي اللي عديت به الفترة اللي فاتت".

وأشارت عن مخططها في حياتها الزوجية مع عمرو يوسف، قائلة: "بعد بنتي حياة كان عندنا مخطط أن يكون في أطفال تانيين وللأسف كان في محاولين قبل كريم ولم يوفقوا راحوا وكنت سعيدة بحملي في كريم وكنت بحاول أحافظ على البيبي بشروط صحية معينة ووقتها كان الموضوع قاسي".

واستكملت كندة علوش قائلة: "ولدت كريم قبل ميعاده بحوالي 3 شهور مكنش دخل في الشهر السابع حتى وده طبعًا رعب، بس الحمدلله عشان الطب تتطور في مصر والعالم بقيت الحالات دي أقل خطرًا من الأول بس الأم في الحالة دي مبتفهمش كده بتكون في حالة ذعر، ودخل كريم الحضانة حوالي شهرين وكان مسموح لي أشوفه في اليوم ربع ساعة ودي كانت أصعب حاجة في حياتي".

إصابة كندة علوش بسرطان الثدي .. تفاصيل صادمة

إصابة كندة علوش بسرطان الثدي .. علامات تؤكد إصابتك بهذا المرض

كندة علوش تكشف بداية إصابتها بالكانسر

وأشارت كندة علوش إلى بداية إصابتها بالكانسر بعد الإنجاب، وقالت: "رضعت كريم حوالي 9 شهور بعدها حسيت أن في عندي مشكلة في أحد الثديين مش عارفة أكمل في ألم مش عارفه أوصفه، وحسيت أن لازم أقف من غير ما الدكتور يقولي وغلطت لما متابعتش الموضوع وافتكرت أنه احتقان بسبب الرضاعة".

واسترسلت كندة علوش قائلة: "عملت فحص وقالوا لي التهاب عادي ولكن شهر واتنين الأعراض اللي عندي مش بتروح ولكن أنا ماشكتش وماخوفتش وعدى حوالي 4 أو 5 شهور والمشكلة مش بتتحل، روحت بعدها لدكتور أشعة من أول ما شافتني قالت لي لا في حاجة مش مظبوطة لازم أخد خزعة لأن المنظر مش مطمئن".

إصابة كندة علوش بالكانسر 

والجدير بالذكر، أن كندة علوش أعلنت خلال بودكاست specials إصابتها بالكانسر، وقالت: "دكتور الأشعة قالي النتيجة مش كويسة في أكتر من ورم خبيث ولكن مانهارتش وماخوفتش وعمر كان مرعوب أكتر مني، جدتي وخالتي وخالي توفوا بسبب الكانسر في سن صغير أوي 47".

واختتمت كندة علوش حديثها عن إصابتها بالكانسر قائلة: "الورم اللي عندي مش كتلة طلع عقدة متشعبة وكان صعب أعمل عملية ولازم أخد العلاج الكيماوي لمدة طويلة عشان نحد من حجم الورم ولما بتصغر ينشلها بالجراحة بعدها علاج إشعاعي والهرموني حسب حالتي".