بحب الراجل الناجح وفكرت في الاعتزال من سنتين.. أبرز تصريحات إنجي علي الأخيرة

حلت الإعلامية إنجي علي ضيفة على بودكاست "أبو اليزيد بيقول"، الذي يقدمه الإعلامي أحمد أبو اليزيد، وأثناء الحلقة تحدث إنجي علي عن الكثير من الأمور التي تخص حياتها الشخصية والمهنية، وفي ذلك التقرير سيرصد موقع تحيا مصر أبرز تصريحاتها في الحلقة.

أبرز تصريحات إنجي علي الأخيرة

• أنا بنت ماسبيرو وفخورة أني طلعت من هذا المكان العظيم
• مستفدتش حاجة من الجوازتين، كانوا تجربتين في حياتي بعتز بيهم وبحترمهم هما الاتنين
• طارق العريان سينمائي كبير ومهم وأحمد المرسي مدير تصوير مهم جدا وهو أبو بنتي، وعلاقاتي كلها كانت بناء على حب ومحدش فيهم عملي حاجة
• بحب الراجل الناجح اللي عنده طموح مبحبش الراجل اللي غاوي منظرة، والاتنين كانوا ناجحين في شغلهم
• قرار الجواز دلوقتي لازم تفكر فيه كويس لأنه مبقاش زي زمان، والأصعب منه قرار الخلفة
• مصاحبة بنتي لأنها دلوقتي في سن المراهقة ولكن في خط أحمر لأنها لازم تعرف أني مامي
• بحاول على اد ما بقدر أغرس فيها مبادئ وحاجات متشتريهاش بالفلوس ونفسي تكون مبسوطة وتعمل اللي هي عايزاه
• وهي حنينة ومهذبة والعشر سنين اللي فاتوا كانت هي واخدة كل حياتي واهتمامي

• انتقدوني كتير أيام برنامج يا مسهرني وقالوا عليا المذيعة اللي بترقص والمذيعة اللي بتضحك
• الرقص مش عيب ومش غلط مادام بترقص بطريقة محترمة مش مبتذلة
• يوسف شاهين أثر في حياتي جامد وعلمني حاجات كتيرة أوي
• كل النجوم أنا بحبهم بجد وهما صحابي ومش بيحكمنا الشغل ولا المصلحة
• من سنتين أو سنة ونص قولت لنفسي كفاية إعلام لأن بقى فيه مذيعين جداد بيسيئوا للمهنة فحزنت وزعلت

برنامج أسرار النجوم

تقدم إنجي علي برنامج أسرار النجوم والذي تعتمد فكرته على محاورة كبار النجوم والنجمات في مصر والوطن العربي، وكذلك من هم خلف الكاميرات للحديث عن مجمل أعمالهم الفنية الناجحة، والعديد من الأمور الأخرى التي تخص حياتهم الشخصية والمهنية أيضًا.

اليوم.. عصام صاصا يجهز لاولى حفلاته في الأمارات

اليوم.. انطلاق العرض الأول لـ مسرحية عامل قلق للفنان سامح حسين

أخر أعمال إنجي علي في السينما

ومن الجدير بالذكر أن أخر أعمال إنجي علي في السينما فيلم مرعي البريمو، الذي تم عرضه العام الماضي في السينمات، وهو بطولة محمد هنيدي إلى جانب النجوم غادة عادل وأحمد بدير، محمد محمود، علاء مرسي، مصطفى أبو سريع، نانسي صلاح، وهو فكرة محمد هنيدي، وتأليف إيهاب بليبل، إخراج سعيد حامد.

وتدور أحداث الفيلم في إطار كوميدي، حول (مرعي البريمو) الذي يعمل في تجارة البطيخ، حيث يواجه العديد من المواقف والمفارقات الكوميدية المثيرة من خلال عمله.