محمود الليثي باكيًا: أصعب ألم في الدنيا فراق الأم.. وبعتذر لكل الناس اللي اعتذرتلها عن شغل

قدم المطرب محمود الليثي اعتذارا لكل الناس التي رفض العمل معهم بعد وفاة والدته، وذلك في بث مباشر عبر حسابه الشخصي على موقع التواصل الاجتماعي فيسبوك.

اعتذار محمود الليثي

وقال محمود الليثي باكيا في البث المباشر الذي يرصده موقع تحيا مصر: بعتذر لكل الناس اللي اعتذرت لها عن شغل، بس ندرت ندر من أمي لما ماتت وربنا حققهالي، أني أطلع أحج الأول وأرجع أشوف شغلي وربنا عمره ما خذلني وروحت أحج الحمد لله، مكنتش أحب تشوفوني بالشكل دا بس طلعت اشكركم واعتذر عن تقصيري مع حبايبي وأخواتي.

كما قدم محمود الليثي نصيحة لكل شخص مازالت والدته على قيد الحياة، فقال: أي حد أمه عايشة ميعملش حاجة غير أنه يخدم تراب رجليها لأن أصعب ألم في الدنيا ألم الأم صدقوني، كل واحد يخلي باله من أمه، ربنا يرحم كل أمهات المسلمين أجمعين ويكفيهم من المرض كلهم.

محمود الليثي ينهار من البكاء: اللي عنده أم ميسيبهاش يقعد جنبها

وسبق وأن ظهر الفنان والمطرب الشعبي محمود الليثي في مقطع فيديو بعد وفاة والدته وعلق على وفاتها وهو منهار من البكاء ويدعو الله أن يلهمه الصبر على فراقها.

"احترم الميت".. هجوم على عمر كمال لطرحه أغنيته مع محمود الليثي بعد مرور أسبوع من وفاة والدته

إيهاب توفيق وطارق النهري.. أبرز حضور عزاء والدة محمود الليثي |فيديو

وتحدث محمود الليثي في مقطع فيديو عن والدته طالب من الله الصبر على فراقها وقال: "يارب صبرني على فراقها.. مكنتش متصور اليوم  دا يجي، مفيش اعتراض علي قمر ربنا الحمدلله بس الفراق وحش، اللي عنده أم اوعى يسيبها خليك قاعد جنبها، وبقول لكل ام في العالم ربنا يخليكي ويديكي الصحة ويبعد عنك المرض ويديكي الصحة ويحميكي وميحرقش قلب ولادك عليكي.. ربنا يخليلكوا أمهاتكوا واللي امه ماتت ربنا يدخلها الجنه، ادعولي واعذروني اني اعتذرت عن شغل كتير والناس قبلتها بصدر رحب، وبشكر كل الناس اللي عزتني في امي سواء جم ولا مجوش وربنا يجعله في ميزان حسناتكوا".

أخر أعمال محمود الليثي

ومن الجدير بالذكر أن أخر أعمال محمود الليثي أغنية بطل السوق، التي طرحها بالتعاون مع المطرب عمر كمال، وتقول كلمات الأغنية: انا عم الجيل ولا ليا بديل
ولا في التوكيل واسأل عني
انا واحد بس مش عايز حس
بتكلم هوس اسمع مني

من غير شعارات ولا ولا حورات
احنا البابات واسأل عنا
هيقولو إدارات واصحاب مطارات
اه يا بغبغانات
على الفاضي زنة

اصحو فوقو رقم واحد
مش شاغل بالي بواحد
بإختصار عليكم راحت
اما انا لاء
مش هقع طول ما انا ياض فيها
مش هخلي واحد عليها
انت عطلان كده وراميها
محتاج زقة

احنا زي الاهرامات
وانتو هري وحوارات
واللي خان زي اللي مات
وانتو تستاهلو
ناس معندهاش حبيب
والقريب زي الغريب
اصل العيب ميكونش عيب
لو من اهله