بعد أزمة مها أحمد.. نجوم الفن تحت مرمى النقد بسبب البث المباشر على التيك توك

وجد بعض النجوم طريق الربح في التيك توك بعد أن تم إبعادهم عن الفن والتمثيل، ليجدوا أنفسهم تحت مرمى النقد بشكل متزايد بسبب البث المباشر على التيك توك، قد تتحول أحيانًا إلى ساحة للجدل والانتقادات. آخرهم أزمة مها أحمد.

أزمة مها أحمد بسبب التيك توك

تداول رواد السوشيال ميديا مقطع فيديو لـ مها أحمد رصده لكم موقع تحيا مصر، حيث ظهرت من خلال البث المباشر عبر حسابها الرسمي بموقع التيك توك وهي تنفعل على المعجبين بسبب انتقادها.

وقالت مها أحمد: "أي حد حاطط في دماغه أنت فين يا مجدي وسايبها على تيك توك 24 ساعة، أصل هي بتعمل فيديوهات على تيك توك، عايزة أقولهم هو حببني كده وبيموت فيا كده، ويا سلام بقى لو أنا زعلت وروحت اشتكيت لي بتفيدوني يا بعده وبيجبلي هدايا في ساعتها وبيروح يشتري ليا برفانات عشان عارف أني بحبها".

وأضافت مها أحمد قائلة: "أنا بحب أوي كل اللى يضايقني ويكيدني في اللايف ليه؟، عشان بستفيد من هجومكم وبيجيلي فلوس أكتر وداعمين، ومجدي بيقعد يقولى إلا زعلك يا مها مع أني مش بعيط عشان بستخسر الدموع بصراحة، عايزكم تفضلوا تضايقوني كل شوية وتسألوني على مجدي كامل".

فيفي عبده: بعيش طفولتي من التيك توك

وانضمت فيفي عبده لقائمة النجوم في عالم التيك توك، وتعرضت لهجوم كبير وكان ردها: "أنا معشتش طفولتي، دلوقتي بعيش طفولتي من التيك توك والناس العفوية اللي جواه، هما عايزين الناس تكتشفهم وبقى في مواهب قادرين نشوفها".

وتابعت فيفي عبده قائلة: "أنا شقية أوي على فيسبوك وكل الميديا، الميديا أنا حبتها زي ما هي حبتني، وبحب تيك توك أوي مسلي ولذيذ وبتقدري في أي وقت تقومي تتسلي، بقت مشكلة بتخلينا مش عايزين نشتغل".

فى ذكرى وفاة النجم علاء ولي الدين.. ماذا قال النجوم عنه؟

إشراقة الحرية| نجمات خطفن الأضواء بجمالهن بعد الطلاق.. أبرزهن هنا الزاهد

فادي خفاجة يلجأ لـ التيك توك بحثًا عن المال

تعرض فادي خفاجة لموجة انتقادات بسبب ظهوره عبر التيك توك وخاصة في فيديو تلفظ بشتائم وألفاظ غير لائقة، واعتذر بعدها فادي خفاجة للجمهور، وبرر دخوله عالم التيك توك بسبب إبعاده عن الفن.

وقال فادي خفاجة: "اضطريت أدخل في جولات تيك توك لأني مش لاقي شغل، والفنانة وفاء عامر، حاولت كتير تجبني معها في أعمال فنية لكن مفيش فايدة قاعد في البيت من غير شغل".

واختتم فادي خفاجة قائلًا: "محدش يهاجم وفاء عامر أو غيرها لأننا بنطلع على تيك توك محدش عارف ظروفنا وأي حد هيتريق هيعرف شغله.. ده مش مكاني أنا تخرجت من معهد فنون مسرحية بتقدير جيد جدًا.. المفروض إن أقل حقوقي اشتغل بقى كفاية".

ومازال عالم التيك توك يجذب النجوم بهدف التربح نتيجة عدم تواجد فرص عمل لهم مما يجعلهم في مرمى النقد من قبل الجمهور.