أمير عيد بعد نجاح مسلسل دواعي سفر: رسايلكم اللي بتجيلي بتفرق معايا في حياتي وبتلهمني

تحدث الفنان أمير عيد عن نجاحه في مسلسل دواعي سفر والذي تم عرضه ضمن منافسة مسلسلات الأوف سيزون مؤخرا، وحاز على إشادات كبيرة من قبل الجمهور، وهو ما ادخل أمير عيد في حالة من السعادة البالغة.

أمير عيد لجمهوره: بحس علاقتي بيكم شبهه الاخوات 

وقال أمير عيد في تصريحاته عبر موقع التدوينات القصيرة تويتر أو "إكس"والتي رصدها موقع تحيا مصر: مش اللي هو بقول بحبكم المعروفه اللي بتتقال في المناسبات وكده  او عشان تحبوني وتسمعوني . لأ انا بحبكم فعلا ورسايلكم اللي بتجيلي بتفرق معايه في حياتي وبتأثر فيا وبتلهمني. وعارف ان هي علاقه استثنائيه مش موضوع فنان ومعجبين وكده . انا عارف انها حاجه اكبر من كده  واننا نشبه بعض او اخوات مثلا .. او انا يعني بظن او بدعي ذلك.. عيد سعيد.

أمير عيد للجمهور: عايز اشكركم على كلامكم الحلو عن مسلسل دواعي سفر 

وتابع حديثه قائلا: عايز أشكركم كمان بقى بما إني برغي النهاردة، على كلامكم الحلو عن مسلسل دواعي السفر، مكنتش أتصور إن ممكن حد يشكر في تمثيلي سواء نقاد أو جمهور، وعارف إني لسه محتاج أتعلم أكتر لو حبيت أمثل تاني. 

واختتم أمير عيد حديثه: عارف إنكم كنتوا بتعدوا لي حاجات عشان بتحبوني أو بتحبوا الأغاني بتاعتي وكده، كان نفسي أقولكم والله دي شخصيتي الحقيقية ولا لأ في المسلسل، بس أنا مش عارف شخصيتي الحقيقية أوي، أنا كل يوم بشخصية.

غدا.. مسلسل دواعي سفر تفاصيل الحلقة 8 بطولة أمير عيد

مسلسل دواعي سفر الحلقة 6.. تطور العلاقة بين امير عيد وابنة كامل الباشا

أمير عيد يتألق في مسلسل دواعي سفر 

وكان قد تألق الفنان أمير عيد بالتمثيل في مسلسل دواعي سفر والذي تم عرضه على منصة واتش ات الرقمية وحقق نجاحات كبيرة في فترة عرضه على المنصة، وشارك في بطولته كلا من النجوم كامل الباشا، نادين، أحمد غزي، أيمن الشيوى، جلا هشام، أحمد فاضل، دنيا وائل، سلمى الكاشف، نادر جودة، آية حلمى، آدم الألفي، مريم ناعوم، ياسمين سمير، تأليف وإخراج محمد ناير، ويسلط الضوء على الوحدة والأشخاص الذي يعانون منها وذلك في إطار اجتماعي تشويقي، وتدور أحداث المسلسل في 10 حلقات فقط.