يوسف حسن لاعب الزمالك : أنا بسبب اللي بيحصل معايا ده هبطل كورة

وجه يوسف حسن لاعب الفريق الاول لكرة القدم بنادي الزمالك رسالة مؤثرة لجماهير القلعة البيضاء.

وهاجم يوسف حسن مجلس إدارة نادي الزمالك، بعد تجاهله خلال الفترة الماضية على حد وصف اللاعب.

تحيا مصر، وكتب يوسف حسن لاعب الزمالك علي"فيسوك":انا هتكلم بس مش  عايز  جمهور الزمالك يزعل مني في اي حاجة".

وتابع:" أنا بسبب اللي بيحصل معايا ده هبطل كورة  بالشكل ده ـنا لا بتأهل ولا بتدرب ومستقبلي بيضيع، انا الكورة هي شغلي وأكل عيشي ومش عارف انا أذنبت في ايه ولا عملت ايه علشان اللي بيحصل معايا ده".

وواصل يوسف حسن قائلاً:" عمر ما حد شاف مني حاجه وحشه ولا شاف اني بعمل مشاكل أنا ديما في حالي". 

واردف يوسف حسن قائلاً:" بس الي حصل فيا مش قليل عارف الناس ممكن متصدقش الي بيحصل معايا بس وحياة الأيام المفترجة دي ، اكيد انتو عارفين علي موضوع العملية، وكده ومحدش كان راضي يعملها من الإدارة  ، وعملتها بعد مجهود كبير جدا جدا بعد 6 شهور قاعد ف البيت".

تشكيل الزمالك المتوقع لمواجهة سيراميكا كيلوباترا غداً بالدوري

تعرف على غيابات الزمالك أمام سيراميكا كليوباترا غداً فى الدوري

واستكمل قائلا:"وبتحصل معايا نفس الحاجة بعد من الغدارة الجديدة، وعدوني هنوديك علاج طبيعي انت لعيب مهم وأنت وأنت وأنت، اول شهر ودوني لي دكتور علاج طبيعي اسمو د خالد الشناوي ،  رحت شهر و تنين والنادي مدفعش الفلوس  للدكتور العلاج الطبيعي، وكل شوية هو يقولي ويطلب فلوسه ، طبعا انا اتكسفت اني اروح تاني العلاج الطبيعي أنا بقالي 3 شهور يعتبر قاعد ف البيت، وحياة ربنا وحياة  ربنا ما حد عبرني بمكلمة  تلفون ولا حد بيرد عليا أصلا حسبنا الله ونعم الوكيل ف كل ظالم".

وتابع قائلاً:" أول مرة اشوف كده أول مره أشوف ظلم بعيني فعلاً عمري محصلي كده في حياتي، كل ما اروح لحد يقولي اتكلم مع الإدارة اتكلم يقولولي مش عارف اي مفيش حد وقف معايا نهائي بس غلطتي اني مكنتش بطلع اتكلم". 

واختتم يوسف حسن قائلاً:" أنت جيبني بفلوس مش فلوس قليلة مفروض تقدرني مفروض لاعيب منتخب مصر لي بيحصل معايا ـنا في نادي كبير واسم كبير، وجمهور الزمالك عارف انا بحبهم ازاي بس أنا اتظلمت كتير وغلطتي اني كنت ساكت مش عايز  اتكلم بفكر في مصلحتي، لما لقيت الناس كلها بتهاجمني، انا ومفكرني أنا الي قاعد في البيت بمزاجي، محدش يزعل مني أي حد زعلتو حقه فوق دماغي انا بحب جمهور الزمالك.