فريدة تطلب الطلاق للضرر: جالي فلاشة عليها فيديوهاته مع الستات

فريدة زوجة ثلاثينية تزوجت قبل 5 سنوات إلا أنها شاهدت بعينيها خيانة زوجها لها من خلال مقاطع فيديو وصلت إليها عن طريق شخص مجهول، وحينما طلبت منه الانفصال في هدوء رفض فقامت باللجوء إلى محكمة الأسرة في الكيت كات طالبة الطلاق للضرر من زوجها.

بيترعش ولابس أبيض.. كيف ظهر سفاح التجمع الخامس للمرة الأولى

لو مسافر.. اعرف حالة المرور اليوم على الطرق الصحراوية والسريعة

واقف بيترعش في المحكمة.. تحيا مصر يكشف مفاجآت عن أولى جلسات سفاح التجمع الخامس

بمليار جنيه.. دعوى قضائية ضد عمرو دياب ومصطفى كامل بشأن الشاب المصفوع

فريدة تطلب الطلاق للضرر بسبب خيانة زوجها

سردت فريدة تفاصيل خيانة زوجها لها لـ موقع تحيا مصر قائلة «بعد 5 سنوات زواج واحترام متبادل، كان زوجي يعاملني خلالهم بكل احترام وهدوء، ولم يكن يتضح عليه أنه من الممكن أن يكون شخص سيء أو أن يرتكب خيانة في حقي، إلا أن ذلك ما حدث بالفعل وكما يقال - ياما تحت الساهي دواهي - اكتشفت أنه يخونني وأن له صورا ومقاطع فيديو شاهدتها بنفسي بعدما وصلت لي فلاشة بها كل شيء.

وقالت فريدة عن قصتها مع زوجها «وأنا عندي 28 سنة اتقدم لي جوزي عشان يطلب إيدي من أسرتي وأهلي وافقوا وقعدوا معاه وحددوا ميعاد الخطوبة، واتخطبت له وبعدها قعدنا سنة بنجهز الشقة والحياة كانت لطيفة وهو شخص محترم جدا ومش ممكن يطلع منه حاجة لكن فعلا متخافش إلا من الشخص الهادي اللي مش بيتكلم ولا بيهش ولا بينش لأنه طلع خاين في الأخر».

فريدة: جالي فلاشة على فيديوهات وصور لجوزي

وتابعت فريدة قائلة «بعد سنة اتجوزنا وفي البداية ولحد دلوقتي الحياة كانت بيني وبينه كويسة ومحترمة جدا وهو كان بيعاملني كويس ومش بخيل، لدرجة أني شكيت فعلا إني اتحسدت على جوزي، لأن تصرفاته ومعاملته كانت كويسة جدا لكن فجأة كل حاجة اتهدت لما شوفت اللي شوفته على فلاشة جات لي لحد البيت من حد ما اعرفهوش ولا اعرف اسمه حتى، البواب طلع وقالي حد ساب الظرف ده لحضرتك».

وأكملت فريدة «كل حاجة كانت مقدرة لقيت الباب بيخبط ولما فتحت لقيت البواب بيقولي يا مدام في حد ساب لك الظرف ده وقالي لازم تسلمه ولما قالي أوصافه معرفتش حد بالشكل ده ولا قالي أسمه ايه حتى، وأخدت منه الظرف ودخلت الشقة ولما فتحته لقيت جواه فلاشة لونه أسود وروحت جبت اللاب توب وفتحته عشان أشوف إيه الفلاشة دي وفيها إيه وفي الأول كنت خايفة افتحها لكن فتحتها».

فريدة تلجأ لمحكمة الأسرة بسبب خيانة زوجها

اكملت فريدة قائلة «لما فتحت الفلاشة لقيت جوزي في صور كتير مع اتنين ستات والصور في أوضاع خادشة جدا للحياء، وقولت يمكن تكون متفبركة لكن لقيت كمان فيديوهات كتير له مع الستات دي وواضح أنه شايف أنه بيتصور وعارف يعني مش مفاجأة له، ولما رجع بالليل قولت له أنت بتعمل حاجة غلط وعملت حوار عليه وأني حلمت بيه وقالي مش ممكن وأنا أعمل كدة».

واختتمت فريدة، «تاني يوم لما نزل الشغل اخدت هدومي وروحت بيت أسرتي وكلمته قولت له أنا عايزة أنفصل وهو جه وحصلت خناقة وقولت له أنا معايا كل حاجة واتوتر ساعتها وقالي دي متفبركة وأنا مش هطلق روحت المحكمة ورفعت قضية طلاق للضرر عليه عشان أخلص منه ومن خيانته».