ألف مليون مبروك لأبو بناتي.. زوجة تهنئ زوجها على زواجه من الثانية|صور

واقعة غريبة شهدتها محافظة الشرقية في الساعات القليلة الماضية حيث نشرت زوجة تدعى انجي منشور تهنئة لزوجها على زواجه من الزوجة الثانية وهي على ذمته حسب كلامها.

هل سيتحول إلى زواج.. ما السر وراء صورة حلا شيحا وأحمد سعد

بعد زواج عامين.. انفصال نيللي كريم عن هشام عاشور

وقالت انجي في منشورها: ألف مليون مبروك لأبو بناتي علي جوازته التانيه من وقت ما كنت علي ذمته،ويارب عقبال مشوف ولادكم كدا، بس ابقا غير دبلتي عشان دي قديمه.

منشور مثير لأنجي صاحبة التهنئة

ونشرت منشور اخر على صفحتها وقالت: "حط نفسك مكاني، وطمني علي اخبارك لما واحد يقول في حق مراته ابشع كلام وتوصل انه يشكك في نسب بناته ليه..ويرميني بعد ما حافظت عليه وعلى بيته وانزل واشتغل في المصانع واتهبدل من ورا اهلي عشان اسنده والبيت يعمر..لما يتفق مع امه عليا وياخد صوري في بيتي اللي ببعتهاله وانا مراته ويبعتوها لكل اللي حواليا من أكونتات فيك..لما يحرمني من بناتي ست شهور لا بشوفهم ولا ألمح واحدة فيهم، وكل كام يوم يعشمني يجبلي بناتي اشوفهم وميجبهمش، ويقولي أصل أمي هتزعل وأمي حالفه عليا..لما يسيب بيته بالشهور من غير جنيه وكل شهر يقولي أصل مديون أصل عليا فلوس..لما يقعد مع مراته ويسجلها عشان يسمع الهانم.. لما تبقا بنته تعبانه وعندها جفاف وبتموت مني وهو نايم يقولي اتصرفي وانا أجري علي المستشفيات لما جرحي بتاع الولاده يعمل مكروب والدكتوره تقولي انزلي دلوقتي المستشفي واجي أصحيه ميرضاش ويقولي الصبح".

وأضافت: بيتي كان بيبقا فاضي بعمل لبناتي مايه بسكر عشان مفيش فلوس وهو بيلبس برندات ياحضرات...وفي الاخر يطلع متجوز عليا، طب ياسيدي طلقني!!! سبني في حالي!!..متجوزها علي عفشي حضرتك... دا كان بيترمي في الارض ويمثل التشنجات عشان يجبرني أسيب دراستي وشغلي عشان أشحت، اما يسيبني بالتلات شهور بثلاث بنات بطولي..أنا لو مش بنت اصول كنت نزلت رسايله ليا وهو متجوزها وهو بيقولي أد اي هو حزين عليا وقد اي هو ندمان انو زعلني وهو متجوز عليا...أصلا انا قولت اباركله وادخل ع تعليقات البوست هتلاقيني بقول يا جماعه محدش يغلط فيه لكن انا مش هقعد كل تلت دقايق حد يبعتلي صورتهم وأرد علي كل واحد لوحده، لا كله يعرف بقا... بالتوفيق له بجد في حياته، واه الحاجه الوحيده اللي عملها صح في حياته انه اتجوزها.

واستكملت :جماعه مش عاوزه حد يدعي عليهم ادعولهم يكونو بخير والكومنت دا بجد والله باركولهم وادعولهم ربنا يعمر بيهم ويصلح حالهم انا قولت اعملهم اشهار عشان يحرام بقالهم كتير في السر وكدا... يا جماعه مش عاوزه حد يجيب سيرتها بكلمه وحشه الله اعلم بحالها وشكلها تعبت في حياتها من كل قلبي يارب يكون اتغير ويراعي ربنا فيها وفي بيته ويعوضها عن اي تعب شافته في حياتها انا نزلت البوست لاني زهقت من الرد ع كل واحد لوحده لما كل شويه حد يبعتلي الصور وكدا فقولت الكل يعرف بقا عشان نخلص يعني وخير ربنا يعوضه عني ويعوضني عنه.