ظروفه كويسة جدا.. علياء تطلب الخلع: رفض يجيب لي غسالة أطباق

سردت علياء قصتها مع زوجها بعد تقدمها الي محكمة الأسرة في مصر الجديدة طالبة الخلع منه بسبب رفضه شراء غسالة أطباق لها، حيث نشبت مشكلة بينهما وصلت إلي أنها تركت المنزل وطلبت الطلاق وحينما رفض أقامت ضده دعوى خلع.

ملابس داخلية.. ماذا وجدت جهات التحقيق في منزل سفاح التجمع الخامس

مريم تطلب الخلع من زوجها: مصور خيانته ليا مع بنات صغيرة

علياء تطلب الخلع من زوجها بسبب مشكلات بينهم

وقالت علياء عن قصتها مع زوجها لـ موقع تحيا مصر "أنا عندي ٣٥ سنة واتجوزت من ٦ سنين وعندي أولاد، حياتي كانت كويسة وطبيعية جدا لكن مع الأسف الحلو مش بيكمل، جوزي أكبر مني بسنتين وظروفه المادية كانت فوق المتوسط وزادت بعد الجواز بسنة وبقينا عايشين في ظروف كويسة جدا، وكمان نقلنا روحنا شقة أكبر وغير عربيته، وكنا عايشين في ظروف كويسة جدا أنا وهو والولاد، لكن مع الوقت بدأت المشاكل".

علياء: ظروف جوزي المادية مستقرة ومش عارفة حصله أيه

وتابعت علياء “من ٧ سنين جوزي اتقدم عشان يتجوزني وساعتها أسرتي وافقت وهو كان عريس كويس لأنه شغال مدير حسابات، ومن أسرة محترمة والده دكتور جامعي وكانت فترة الخطوبة ساعتها سنة وبعدها عملنا فرح كبير واتجوزنا، وبعد الجواز بصراحة مكنش في مشاكل بيني وبينه كبيرة والحياة كانت مستقرة وخلفت أبني الأول بعد سنة جواز وكنا عايشين مبسوطين وبعدها جاله شغل تاني والحياة بقت كويسة جدا في بيتي ومرتاحين ماديا ومكنش بخيل مثلا أو أي حاجة وكان بيجيب كل حاجة في البيت”.

علياء: طلبت غسالة أطباق ورفض يجيبها لي

وأضافت علياء عن قصتها مع زوجها “بعد ٥ سنين جواز بقى معايا ولد وبنت والظروف المالية بتاعت بيتي كانت مستقرة جدا وكنا بنحوش كمان لحد ما حصلت الخناقات بيني وبينه واتغير جوزي ومبقاش زي الأول وبقى في خلافات على المصاريف العادية وأنه شايف اننا بنصرف حاجات ملهاش لازمة ولازم نقلل الحاجات دي، وأنا كنت متفاهمة معاه جدا وبتكلم معاه، وبقيت فعلا اللي يقول عليه لا خلاص ماشي بس الخناقات زادت في البيت والتراكمات خلت بيني وبينه حاجز”.

واختتمت علياء قائلة “الخناقات بيني وبين جوزي موصلتش للضرب والإهانة في في يوم طلبت منه نشتري غسالة أطباق وكأني قولت له هنبيع عيل من عيالنا عمل مشكلة كبيرة واتخانقت معاه وقالي أنتي مش حاسة بالمسئولية وده اللي عندي لو مش عاجبك سيبي البيت ده وحسيت بالاهانة وأن الموضوع مش مستاهل كل ده، وروحت بيت أهلي وبعدها مصالحنيش وطلبت الطلاق منه قالي معنديش طلاق روحت رفعت قضية خلع عليه”.