10 وصايا من ياسمين عز لمعاملة الطليق.. "متعمليش بلوك ولا تشيلي صورتك"

تحدثت الإعلامية ياسمين عز خلال حلقة اليوم في برنامج كلام الناس والذي تقدمه على قناة mbc مصر عن الطلاق وكيف يلوم المجتمع العربي المرأة ويصبح حقها مهضوما بعد طلاقها موجهة نصيحة للمرأة في التعامل مع طليقها.

ياسمين عز تكشف اتيكيت التعامل مع الرجل المطلق 

وقالت ياسمين عز في تصريحات رصدها موقع تحيا مصر 10 نقط لتعامل المرأة مع طليقها، وجاءت على النحو الآتي: 

• لو محجبة متقابليش طليقك بالقصة عشان انتي غالية مينفعش حتى يشوف صوباع من رجلك. 
• اوعي تصبغي شعرك أصفر أو تقصيه  مفيش حاجة هتتغير غير فتلة شعرك.
• ممنوع تبعتي الرسايل الطويلة المستفزة هو مش هيقرأها لأنه عنده شغل.
• اسمه على التليفون يتغير هو مش كتكوتك أو فرعونك أو ارنوبك سمية أبو اسماء.

• متعمليش بلوك ولا تشيلي صورتك من واتساب ولا تحسبني عليه على الواتساب.
• ممنوع الكلام عليه أو على أهله بسوء قدام الناس ولا التلقيح.
• متشوهيش صورته قدام أولادكم ومادام بيصرف عليهم يبقى من حقه يشوفهم أي وقت. 
• سبيه يتجوز براحته وممنوع حفلات ما بعد الطلاق دي قلة أدب ومسخرة.

ياسمين عز: الست المطلقة مشكوك فيها دائما 

وقالت ياسمين عز في بداية حلقتها: زمان الست كانت بتطلق من هنا وبعدها تقلبها مناحة وعياط لكن دلوقتي بتطلق وتروح تعمل شعرها وتلمعه وتنزل على أقرب فرح وتروحه، والطلاق بالنسبة للراجل انطلاق بيعيش حياته بعدها إنما الست بيبقى كأن حياتها انتهت لو أتأخرت على البيت شوية بتبقى فتات ليل وماشية على ما شعرها.

واضافت ياسمين عز: الست المطلقة مشكوك فيها دايما فمش من حقها تعمل حاجة انما الراجل المطلق يعيش حياته.

ياسمين عز: محمد صلاح حلق شعره عشان يمنع الحواجز بينه وبين حسام حسن

ياسمين عز بعد طلاق نيللي كريم: محدش بيوري حياته للناس بيعمر.. خليكي خبيثة ودارى على جوزك

ياسمين عز تثير الجدل بحديثها عن محمد صلاح 

وكانت قد أثارت ياسمين عز الجدل في الساعات الماضية بحديثها عن محمد صلاح والتي قالت فيه: صلاح حلق شعره علشان يمنع أي حواجز بينه وبين كابتن حسام حسن، أكيد لما الجماجم تتلاقى ده هيكون في صالح المنتخب، في دراسة بتقول إن غالبًا أصحاب الشعر الخفيف وأصحاب الشعر التقيل بيكون فيه بينهم عكوسات، فصلاح قرب المسافات علشان يكون هو وكابتن حسام على درجة فهم واحدة، وفي النهاية البقاء للأصلع.