زهقت منه.. حنان تطلب الخلع: جوزي مش بيستحمى كل يوم

حنان زوجة ثلاثينية تزوجت قبل ٣ سنوات إلا أنها سرعان ما قررت إنهاء تلك الزيجة بالخلع، حيث تقدمت إلى محكمة الأسرة بالكيت كات طالبة الخلع من زوجها بسبب عدم نظافته الشخصية والإهمال الذي يقوم به في المنزل، وحاولت تغيير زوجها والتصرفات التي يقوم بها كثيرا الا أنها فشلت في ذلك.

عاجل.. القصة الكاملة لضبط البلوجر سمية نستون بسبب فيديوهات خادشة

ضحية على قيد الحياة.. مفاجآت جديدة في قضية سفاح التجمع الخامس

حنان تطلب الخلع من زوجها في محكمة الأسرة

تقدمت حنان بدعوى خلع في محكمة الأسرة ضد زوجها، وسردت قصتها كاملة لموقع تحيا مصر، حيث قالت أنها تزوجت منذ ٣ سنوات، ولم تعد تقوى على استكمال تلك الحياة مع زوجها بسبب عدم نظافته الشخصية وإهماله في نفسه طوال الوقت بشكل مستمر يحرجها في الكثير من الأحيان أمام الأسرتين والأصدقاء بل والجيران وحاولت معه بكل الطرق لتغييره إلا أنها فشلت في ذلك. 

حنان: اتجوزت ٣ سنين من أسوأ أيام حياتي

قالت حنان في قصتها عن زوجها "أنا عندي ٣٣ سنة والدي متوفي ومعنديش أخوات، واتجوزت وأنا ٣٠ سنة جواز صالونات بسبب أن عمي كان شايف أني عديت سن الجواز ومينفعش أفضل كدة وجاب واحد قريب زميله في الشغل وأنا وافقت وقولت ماشي وجه البيت واتعرفت عليه وساعتها طبعا مكنتش اعرف حاجة وقعدت معاه مرتين بعدها اتخطبنا، والخطوبة استمرت ٦ شهور وساعتها كنت بخلص شقتي مكنتش مركزة معاه ولا أعرف أنا هعمل ايه.

حنان تطلب الخلع: قرفت من عدم النظافة والإهمال

وتابعت حنان "بعد ٦ شهور اتجوزته وطبعا في أول أسبوع كانت الحياة عادية ومكنش في حاجة وساعتها كان نظيف يمكن عشان لسه عريس مش عارفة، بس فجأة كل حاجة اتغيرت، وبدأت اشوفه على حقيقته، وأنا كنت متجوزة في الشتاء ولما كان بيستحمى مرتين بس في الأسبوع كنت بقول مكسل أو عشان المياه ساقعة وبسكت، لكن النظافة الشخصية ونظافة هدومه وحياته بدأت تكون عائق في حياتي ومبقتش استحمل وبركز في كل حاجة بيعملها.

حنان: مش بيستحمى غير كل ٣ أيام

وأضافت حنان عن قصتها مع زوجها، بعد فترة ولما دخل الصيف بقى نفس القصة مفيش بردو نظافة والاستحمام ده كل ٣ أيام وممكن يخرج بالهدوم ٣ أيام متواصل عادي في الحر والعرق، مع أنه الدولاب مليان هدوم لكنه كان مهمل ومستهتر بكل حاجة بيعملها وحاولت اتكلم كتير معاه عشان يغير من نفسه ويغير الحاجات اللي بيعملها دي ويهتم شوية بنظافته الشخصية لكن ولا كأني بتكلم ولا حياة لمن تنادي.

واستكملت حنان قائلة، أسرته كانت بتتكلم معايا ويتقال لي أنتي سايبة جوزك كدة ومش نضيف والهدوم وحشة ومبهدل في نفسه، وأنا كنت بدافع عن نفسي كتير وبتكلم كتير وفضلت صابرة ٣ سنين لكن في النهاية مبقتش قادرة استحمل اللي بيحصل وقولت له ننفصل في هدوء قالي معنديش طلاق قولت له تمام وروحت بيت والدتي ورفعت عليه قضية خلع.