عصام صاصا: عمري ما كنت شخص مؤذي وهنزل شغلي تاني عشان مصاريف البيت

خرج مطرب المهرجانات الشعبية عصام صاصا في تعليق جديد بعد أزمة حادث السير الذي تعرض له واسفر عن دهسه لأحد الأشخاص ولازال الأمر قي يد القضاء المصري حتى الآن ولم يصدر حكم نهائى على عصام صاصا في تلك القضية.

عصام صاصا: بقالي شهر قاعد في البيت بدون شغل  

وقال عصام صاصا في منشور كتبه عبر حسابه الرسمي بموقع التواصل الاجتماعي فيسبوك ورصده موقع تحيا مصر: ربنا وحده يعلم انا بكتب الكلام دا وانا عامل ازاى و فيا ايه.. انا بقالي اكتر من شهر قاعد من غير شغل ومعنديش اي حاجه اعملها غير اني قاعد وما باليد حيله و مستني قضاء ربنا سبحانه وتعالي و محدش هيفهم او هيحس بالموضوع غيري.

وتابع عصام صاصا حديثه: أنا مطلعتش اتكلمت وعدت وزدت في الموضوع كتير ومحدش شافني حته بفيديو قولت اي كلمة خالص لكن انا عندي شغلي و عندي عقود والتزامات لما اعملها واخلصها يا اما هدخل في قصه تانيه انا مش قدها و شرط جزائي.

عصام صاصا: هنزل شغلي عشان عندي فرقة متعلقة في رقبتي 

وتابع عصام صاصا حديثه، قائلا: انا هنزل شغلي و هشتغل لاني مش ب ايدي اي حاجه غير اني اعمل كده، انا عندي امي و عندي اخويا و عندي مراتي وابني وفرقه فيها اكتر من ٣٥ شخص في رقبتي انا شاب لسه ببداء حياتي ولسه بقول يارب .. مصاريف البيت و الاقساط و الحاجات دي كلها اللي انتو متعرفوش عنها حاجه مين اللي هيدفعها انا طالع اتكلم لان ما باليد حيله غير انكم لازم تفهموا ان كل اللي بتسمعوا مش صح الفلوس و القصور والعربيات كل ده مش صح و حال الناس اللي شاغلين معايا كل دول حالهم واقف بسببي انا كل دول ليهم بيوت وعيال ودنيا تانيه خالص.

قرار عاجل بشأن موظف الشهر العقاري في واقعة تزوير توكيل عصام صاصا

عصام صاصا: انا عمري ما كنت شخص مؤذي أو وحش

واستكمل عصام صاصا حديثه: انا عارف ومتاكد ان ربنا مش هيورينا الشر و مش هيوريني اي حاجه وحشه ده ابتلاء من عند ربنا سبحانه وتعالي و انا راضي ب كل حاجه و مش هقول غير الحمدلله علي كل شئ والحمدلله و اللي ربنا كاتبهولي هشوفوا .. سوا خير او شر محتاج من كل الناس اللي بتحبني تدعيلي من قلبها بجد انا عمري ما كنت شخص مؤذي و عمري ما كنت شخص وحش مع حد .. ربنا كبير .. وحشتوني اوي يا احلي جمهور في الدنيا.