بفيلمين.. محمد ممدوح يعيش حالة من النشاط الفني

يعيش الفنان محمد ممدوح حالة من النشاط الفني، حيث ينتظر عرض عملين خلال الفترة المقبلة  وهم فيلم إكس مراتي بطولة هشام ماجد وأمينة خليل وفيلم روكي الغلابة بطولة دنيا سمير غانم.

محمد ممدوح رجل أعمال في فيلم روكي الغلابة 

ويلعب محمد ممدوح شخصية رجل أعمال ضمن أحداث فيلم روكي الغلابة الذي يرصده تحيا مصر ويوظف بودى جارد  عنده وستكون دنيا سمير غانم والعمل من إخراج أحمد الجندى، وتأليف كريم يوسف، ويشارك في بطوة العمل كل من محمد رضوان، مصطفى غريب، وسلوى عثمان إنتاج أحمد السبكى.

تصريحات محمد ممدوح

من جانبه، قال محمد ممدوح: استمريت على صيام المياة حاجة اسمها صيام المياة وانا مكنتش اعرفها قبل كدة واللي شجعني عليها مدير اعمالي وهي أنك تصوم لكن تشرب مياة بس.

وتابع محمد ممدوح، أنا قعدت 17 يوم بشرب مياة بس ومكلش خالص واحنا كنا في تجمع في فندق ومعانا دكاترة بيراقبونا ويشوفوا السكر والضغط وكانت تجربة حلوة جدا واي جوع أو صداع اشرب مية ودة كان من سنين وبسببه فقد وزن كتير ولغاية دلوقتي بشرب مياة كتير.

نظام محمد ممدوح لخسارة الوزن

وأضاف، الموضوع مبهر وكنت حاسس اني هادي وصافي ودي حاجة علمية وحاجات كتيرة بتشفى بالمياة ودة لأي سن.

واستكمل محمد ممدوح حديثه، بقى ليا نظام حياة باكل كل ساعتين وبشرب مية كتير وخسيت 45 كيلو، احنا لما بدأنا ناكل مكنش ينفع ناكل مرة واحدة يعني نشرب عصير الأول وبعد كدة ناكل حاجة خفيفة اوي وكان في صديق أول لما خلص سافر المانيا وقبل ما يسافر اكل فول وطعمية من القاهرة ولما وصل المانيا تعب ودخل المستشفى فخطر أنك بعد الصيام تاكل حاجة تقيلة.

وعن ابنته قال: كاميليا غيرت حياتي، ومع الوقت وجودها بيفرق أكثر وأكثر، لو راجع من شغل 20 ساعة ونايم تعبان، بيصعب عليها تصحيني لو نزلت مثلا تروح المدرسة، لكن أنا بتضايق، وببقى عايز أسمع منها صباح الخير.

يوم ميلاد محمد ممدوح.. من صبي في قهوة إلى نجم سينمائي و يخشى هذه الفاكهة

محمد ممدوح في BIGTIME: كنت بقدم الشاي والقهوة وجسمي كله اتحرق

هذا وقال محمد ممدوح، انبسطت بالعمل مع المخرج مروان حامد الذى تعلمت منه الانضباط والتركيز، كذلك السقا وباسم سمرة"، معقبًا: "انبسطت بالعمل مع الفنان ماجد الكدوانى في فيلم الأصليين الذى شاركت فيه كضيف شرف، والذى أعتبره رمزا للتنوع وقيمة فنية كبيرة".

وأشار محمد ممدوح أنه سعيد  بفيلمه وش في وش الذى عرض في السينمات، وأشار إلى أن نجاح العمل يرجع إلى مجهود كل العاملين به، فضلًا عن الورق مكتوب بحرفية شديدة من المؤلف وليد الحلفاوى الذى يعتبر بطل العمل.

وتابع ممدوح، الفيلم يحمل مشكلة اجتماعية جديدة، والكوميديا الموجودة به دمها خفيف، وأوجه الشكر لشركة الإنتاج التي دعمت الفيلم بكل الإمكانيات، كما أن الفيلم معظم أبطاله كانوا مفاجأة للجمهور.