محمد ممدوح في BIGTIME: كنت بقدم الشاي والقهوة وجسمي كله اتحرق

كشف الفنان محمد ممدوح عن كواليس مثيرة حول حياته الشخصية والعملية.

محمد ممدوح: كنت بشرب 7 لتر مياه لمدة 17 يوم ونزلت 45كيلو

مسلسل إمبراطورية ميم الحلقة 24.. مختار أبو المجد في مواجهة كريم الدالي

وقال الفنان محمد ممدوح خلال لقائه خلال لقائه مع الإعلامي عمرو أديب والمطربة أصالة في بودكاست BIGTIME:«اشتغلت في قهوة يا إما بعمل طلبات أو بنزلها، الطلبات مثل الشاي والقهوة».

وتابع محمد ممدوح: «هناك عداوة بيني وبين النار، مرة اتحرقت ومسك في وشي فرن، في جسمي كله وقعدت شهرين معتقد أن وشي مش هيتصلح تاني».

وأوضح محمد ممدوح: «بمثل من 1997، وكنت بعمل مشروع أكل، والفرن ضرب في وشي، وكان يوم الافتتاح، وقعدت شهرين في البيت ومكنش فيه علاج نافع معايا».

وأردف محمد ممدوح: «اشتغلت في سينما ميامي، كنت أعمل أبلاسير وكان عندي مشكلة مع الشغلانة دي إني لازم أمشي 6 مساءً يوميًا عشان عندي بروفة مسرح».

واستطرد محمد ممدوح: «كنت بمثل في مسرح هواة وكنا بندفع من جيبنا ومكناش بناخد فلوس، وقابلت شخصيات كتيرة في حياتي استحضرتها في التمثيل».

إيناس الدغيدي في برنامج أسرار 

وقالت إيناس الدغيدي في تصريحات يرصدها تحيا مصر: الناس عايزة أي كلام تتكلم فيها، النقاد مبيشوفوش افلامي جريئة، وانا طلعت في الزمن الصعب، وافلامي وفترة نضجي كانت في الزمن اللي ابتدت مصر تتقفل فيه، كانت مفتوحة جدًا قبلها.

محاولة اغتيال الإخوان للمخرجة إيناس الدغيدي 

وتابعت، ولما الإخوان مسكوا اول حاجة فكرت فيها اني الاقي مكان آخر ليا، وكنت هروح دبي، واتحطيت على قوائم الاغتيال من جماعة اسمها الوعد منبثقة من جماعة الإخوان، وكانوا أساتذة في الجامعات، والله يرحمه وائل الابراشي جابلي 40 صفحة عن الجماعة دي، كانوا حاطين رقم واحد حسني مبارك واتنين شيخ الأزهر، وتلاتة أنا، عشان بنشر الفسق والفجور، وكمان وحيد حامد وصفوت الشريف ونجيب ساويرس، ومكنتش حاسة بأي حاجة ساعتها.

واستطردت، مرة حطولي في الجراج صورة السادات وعليها سلاح وكاتبين عليها المصير، يعني مصيري هيبقى كده، وسألت بتوع الجراج مين اللي حطها، قالولي منعرفش، وجوزي قالي بلغي البوليس، قلت له يمكن واحد اهبل مش عاجبه افلامي، ومرة راجعة بالليل لقيت ملثمين دخلوا ورايا الجراج بموتوسيكل، انا خوفت ومطلعتش من العربية.

وأردفت، بس كان واضح انه مش هيضربوني بالرصاص كانوا هيضربوني بمطوة، فضلت اضرب كلاكسات عشان اللي في الجراج يصحوا ويشوفوا اللي انا فيه، وجريوا وكنت خايفة يعملوا حاجة في بنتي، ودخلتها جامعة بره مصر عشان الاخوان، وطول الوقت بيبعتولي، عشان ضد الحجاب، ايام الانتخابات، قلت نحاول نديهم فرصة فا عبد المنعم أبو الفتوح كلمني، وعرفني بنفسه، وقالي احنا مش ضد الفن وبنحب الفنانين والفترة دي قالوا انه انفصل عنهم، فا قلت كان كده وكده يعني عشان داخل انتخابات فا عايزني ادعمه، لكن انا شايفة انه دول مش مصر خالص.

إيناس الدغيدي تكشف تفاصيل زواجها

واستكملت، اتجوزت اللي حبيته وقصة حب 9 سنين وتحديت كل حاجة حتى الدين وكان مسيحي واسلم عشاني، ودخلت السينما، وكانوا رافضين عشان الديانة ووالدي كان استاذ تربية دينية ولغة عربية، مقابلش جوزي لانه مات بعد زواجي بسنة، وقال مش هقابله عشان اغير دينه ومدخلش بيتنا غير فى جنازة ابويا، و معملتش فرح، عملته في بيتي، وكان عندي بيتي قبل ما اتجوز ومستقلة.

وأشارت، انا واحدة ربنا خلقها عكس الناس، ومش قاصدة لكن انا من طفولتي كده، احنا 8 اخوات انا عكسهم دايما وعلاقتي بيهم حلوة ووالدي توفى راضي عني، ولما بقيت مخرجة قال انا اللي شجعتها، ووعدته أن التمثيل لا، وانا دخلت كل الفن بالصدفة، ولا كنت اعرف يعني ايه فن، وحبيت زوجي لحد النهاردة، وعلاقتنا مش بس جواز هي حياة وكان دايما ورايا أكون مخرجة، وانفصلنا قبل وفاته، ابتدى يغير مني لما كبرنا، وسيبنا بعض بشياكة، لأن الحياة لوحدك احلى بكتير، وكل واحد بيبقى له حياته.

ويعد برنامج أسرار من تقديم الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.