بعد تصريحات الرئيس.. وزير البترول الأسبق يكشف موعد انتهاء أزمة قطع الكهرباء نهائيا

عقب المهندس أسامة كمال وزير البترول الأسبق، على تصريحات الرئيس السيسي بِشأن ملف الكهرباء وتخفيف الأحمال، وذلك في افتتاح عدد من المشروعات التنموية اليوم.

أسامة كمال: إحنا مش بندفع الثمن الحقيقي للوقود والطاقة

وقال وزير البترول الأسبق في مداخلة هاتفية ببرنامج " صالة التحرير " المذاع على قناة " صدى البلد"، مع الإعلامية عزة مصطفى ، وينقله موقع تحيا مصر،  :" إحنا مش بندفع الثمن الحقيقي للوقود والطاقة التي نحصل عليها ".

 وأضاف وزير البترول الأسبق:" محدش راضي على انقطاع التيار الكهربائي وتخفيف الأحمال "، مضيفا:" الدعم هو حق مستحق لطبقات معينة وفئات معينة وليس للجميع ".

وأكمل:"  الطاقة غالية جدا وثمينة وتعتبر ثروة وبالتالي نحتاج إلى استخدامها بشكل رشيد ونحتاج إلى تغيير ثقافة استهلاك الطاقة ".

أسامة كمال: ارتفاع الاستهلاك مع وجود إنتاج قليل أو منخفض من الوقود

وتابع:" المشكلة الحقيقية تعود إلى ارتفاع الاستهلاك مع وجود إنتاج قليل أو منخفض من الوقود، واستهلاك المواطن من الكهرباء في مصر يعادل 6 أضعاف استهلاك المواطن الأوروبي".

ونوه بأن أزمة انقطاع التيار الكهربائي ستنتهي تماما خلال السنوات القليلة المقبلة من خلال افتتاح مشروع الضبعة أو من خلال استخدام وسائل النقل الخضراء.

ولفت إلى أن مشكلة قطع التيار لمدة ساعتين في اليوم تتمثل 10% فقط، ويجب على المواطن ترشيد الاستهلاك حتى لا تلجأ الدولة لقطع التيار الكهربائي عن المواطن.

وأوضح أن مصر لديها القدرة على توليد 44 جيجا وات من الكهرباء، ولكن كمية الوقود لا تكفي، لذا مصر تستورد الوقود من الخارج لتوليد احتياج مصر من الكهرباء.

و قبل ساعات قليلة وجه الرئيس السيسي، خلال افتتاحه عدداً من المشروعات القومية عبر تقنية الفيديو كونفرانس، من داخل مركز المنارة للمؤتمرات الدولية، المسؤولين بالتحدث للرأى العام عن التحديات التى تواجه الدولة قائلا: "اتكلموا وقولوا الحكاية إيه للناس، قولوا ليه الكهرباء ليه مبتتعملش، ما تقولوا ليه؟ لو أخدت تمن الكهرباء الحقيقية هضاعف تمنها مرتين، طيب الغلبان هيروح منى فين؟ أقطع الكهرباء ولا أغلّيها؟ وأغلّيها قد إيه؟ اللى بيدفع جنيه هيدفع 2 و3، لو مواطن بيدفع 100 جنيه فى الشهر هاخد منه 300 جنيه طيب بنعمل إيه، بشرحها من باب إيه؟.

 السيسي: الغلبان هيروح منى فين أقطع الكهرباء ولا أغلّيها وأغلّيها قد إيه؟

 وواصل:أنا بتحمل المسؤولية أمام الله وقدامك علشان الكهرباء تستخدم 24 ساعة مفيش قطع كهرباء خالص لازم أخلى تمن الكهرباء قد تمنها مرتين 3 بقول تانى ليه مبزودش كده؟ علشان مديونية وزارة الكهرباء للبترول قد كده.. طيب اللى باخده أقل من التمن، وبالتالى أنا مديون لوزارة البترول.. أنا عندى مشكلة إنى أجيب البترول بالتمن ده وباقى الشركات اللى شغالة معانا ليها فلوس عندنا، طيب ده مديون وده مدين وده مش وليد النهارده ممارسات ماشين فيها بقالنا سنين، عملنا خطة فى 2016 علشان نخلى الحاجة على قد تمن تكلفتها لكن لازم تحطوا فى الاعتبار تحديات أزمة كورونا والأزمة العالمية والحروب اللى حوالينا وتأثيراتها علينا، الأمور مش ماشية كده يعنى ومواردنا مش كتير تسمح نقابل التحديات دى من غير جهد وتحمل لا".