السيسي: الغلبان هيروح منى فين أقطع الكهرباء ولا أغلّيها وأغلّيها قد إيه؟

قال الرئيس عبدالفتاح السيسى، إن الدولة فى النهاية "موازنة"، مضيفا: "أنت النهارده مش عاوز تيجى تمس حاجة الغلبان عاوز تساعد من غير ما تؤذيه، لو الرغيف النهارده بـ 3 أو 4 أو 5 جنيه، فيه ناس تقدر تشتريه، بس مش كل الناس تقدر تشترى كده، فلازم نكون متفهمين لأن الدولة فى النهاية موازنة وطاقتها المالية كده".

ووجه الرئيس السيسي، خلال افتتاحه عدداً من المشروعات القومية عبر تقنية الفيديو كونفرانس، من داخل مركز المنارة للمؤتمرات الدولية، المسؤولين بالتحدث للرأى العام عن التحديات التى تواجه الدولة قائلا: "اتكلموا وقولوا الحكاية إيه للناس، قولوا ليه الكهرباء ليه مبتتعملش، ما تقولوا ليه؟ لو أخدت تمن الكهرباء الحقيقية هضاعف تمنها مرتين، طيب الغلبان هيروح منى فين؟ أقطع الكهرباء ولا أغلّيها؟ وأغلّيها قد إيه؟ اللى بيدفع جنيه هيدفع 2 و3، لو مواطن بيدفع 100 جنيه فى الشهر هاخد منه 300 جنيه طيب بنعمل إيه، بشرحها من باب إيه؟.

وواصل:أنا بتحمل المسؤولية أمام الله وقدامك علشان الكهرباء تستخدم 24 ساعة مفيش قطع كهرباء خالص لازم أخلى تمن الكهرباء قد تمنها مرتين 3 بقول تانى ليه مبزودش كده؟ علشان مديونية وزارة الكهرباء للبترول قد كده.. طيب اللى باخده أقل من التمن، وبالتالى أنا مديون لوزارة البترول.. أنا عندى مشكلة إنى أجيب البترول بالتمن ده وباقى الشركات اللى شغالة معانا ليها فلوس عندنا، طيب ده مديون وده مدين وده مش وليد النهارده ممارسات ماشين فيها بقالنا سنين، عملنا خطة فى 2016 علشان نخلى الحاجة على قد تمن تكلفتها لكن لازم تحطوا فى الاعتبار تحديات أزمة كورونا والأزمة العالمية والحروب اللى حوالينا وتأثيراتها علينا، الأمور مش ماشية كده يعنى ومواردنا مش كتير تسمح نقابل التحديات دى من غير جهد وتحمل لا".

وأكمل الرئيس السيسي: "واحنا بنعيب على المعنيين حتى فى التقارير الصحفية والمقالات اللى بتتكتب محدش بيتناول المسألة بشكل موضوعى خالص يا جماعة يا انتوا مش عارفين يا احنا مخبيين عليكم".. بكلمكم بمنتهى الصراحة الدول لا تدار كده، وانما تدار بالجدية والمسؤولية والفهم ولو الناس فهمت هتيجى معاك وبقولك البديل أهو.. ممكن الكهرباء تشتغل 24 ساعة طبعا بس بكام؟.

مش معنى كلامي رفع الأسعار .. رسائل السيسي للإعلام والحكومة بشأن أزمة الكهرباء

السيسي عن تكلفة المشروعات التنموية: «بنعمل اللي استغرق 100 سنة قبل كدة مرة واحدة»

قال الرئيس عبد الفتاح السيسي، إن الدولة تجهز نفسها لتفادي أي أزمة، متسائلاً: «هو أنا لازم استني الأزمة؟.. هو شغل البنية الأساسية كان ضروريًا ولا كان زيادة، فهذا كان ضرورياً ودفعنا أرقاماً ضخمة، لو اتعملت على مدار 25 سنة كانت التكلفة أقل».

وقال الرئيس السيسي، خلال افتتاحه عدداً من المشروعات القومية عبر تقنية الفيديو كونفرانس، من داخل مركز المنارة للمؤتمرات الدولية: «المرة الجاية عاوزين نشوف سيناء ومستعدين نساعد كل مستثمر لخوض التجربة ومع نفسه.. احنا محتاجين ده.. محتاجين كل أيد مصرية كل خبرات وكل طاقة عمل وكل جهد مخلص يشتغل اللى نتجاوز فيه".

دعا الرئيس عبدالفتاح السيسي، المستثمرين للمشاركة في جميع المشروعات الزراعية التي تنفذها الدولة، مؤكدًا أهمية الحفاظ والاستفادة من أى كمية مياه وعدم إهدار أي نقطة مياه.

وأضاف: «عاوز بأقل كمية مياه أطلع أكبر إنتاج لمحاصيل وبالتالي لازم الاستفادة من حجم المياه الموجودة، مشيرًا إلى إنشاء محطات المعالجة الزراعية مثل المحسمة وبحر البقر والدلتا الجديدة للحد من هدر المياه".