الرئيس السيسي يدعو المستثمرين للمشاركة في مشروعات الدولة الزراعية

دعا الرئيس عبدالفتاح السيسي، المستثمرين للمشاركة في جميع المشروعات الزراعية التي تنفذها الدولة، مؤكدًا أهمية الحفاظ والاستفادة من أى كمية مياه وعدم إهدار أي نقطة مياه.

وقال الرئيس السيسي، خلال افتتاحه عدداً من المشروعات القومية عبر تقنية الفيديو كونفرانس، من داخل مركز المنارة للمؤتمرات الدولية: «عاوز بأقل كمية مياه أطلع أكبر إنتاج لمحاصيل وبالتالي لازم الاستفادة من حجم المياه الموجودة، مشيرًا إلى إنشاء محطات المعالجة الزراعية مثل المحسمة وبحر البقر والدلتا الجديدة للحد من هدر المياه".

تكلفة المشروعات الزراعية

وعلق الرئيس عبد الفتاح السيسي، على كلمة المهندس محمد جمال غريب رئيس مجلس إدارة شركة متخصصة في الزراعة، خلال افتتاح مشروعات تنموية في جنوب الوادي قائلاً: «قصدت أتكلم معاك أنت بالذات.. بسبب حاجتين المزرعة كانت بتقابل مشاكل وكل الجهود اللي اتعملت سابقاً مش نجحت ولكن قدرت تحل المسألة بشكل حاسم، وبتكلم عن نقطتين، التكلفة كبيرة وبالتالي اقتصادياً كبيرة، اقتصاديات المشروع لها عائد جيد، مش هتعمل حاجة علشان الناس اللى شغالة في المجال، محتاج تعمل استثمارات كبيرة لكن العائد جيد».

وأكمل:  «لما بنقول 25 إردباً في الفدان.. دي تجربتك.. لو كان السايد أن الفدان يطلع 18- 20 إردب بنفس كمية المياه والمساحة.. لما الكمية تزيد فوق الـ 20 إردبا محتاج نتوقف عند ده.. في الشغل اللى بيتعمل داخل مشروعات الخدمة الوطنية سواء هنا أو مستقبل مصر مش وصلنا 25 إردبا للفدان.. الرقم ده نجح في مساحة ألفين فدان والمتوسط 25 إردبا يعني فيه زيادة 5 إردبات عن السايد.. لما نقول 5 إردبات في مليون فدان يبقي 2.5 مليون اردب يعني مليون طن.. لو قسمنا ده على كمية هتطلع فوق 20 اردب.. هي هي المياه وهو هو الجهد..

وتابع الرئيس السيسي: "بقول التجربة مش علشان أهنئك وعلشان اسمع كل من يهتم المزارعين في الدلتا والصعيد.. مهم أوي يعرفوا إزاي يوصل بالكمية دي.. والموضوع مش استخدام مكينة ولكن وسائل علمية تزود الكمية والإنتاج الكبير.. ولو قولنا مزرعة بني سويف والمنيا وطبيعة الأرض قاسية شوية.. مهم اوي الناس بتقول الأرقام تكلفتها كتير اوي.. التكلفة كتير لأنك بتعمل كل حاجة مرة واحدة.. والدلتا اتعملت على 150 – 200 سنة.. سنين طويلة وانت بتعمل ده كله مرة واحدة.. المشروع بتدخل الكهرباء والمياه ومحطات الرفع.

وواصل: "لما بنيجي نعمل ده.. حق المشروع قبل حق بلدنا.. اننا نطلع أكبر حجم من الإنتاج.. مليون فدان بتطلع 2.5 مليون فدان.. يبقوا 3 ولا 3.5 مليون طن.. يبقي زودت كمية القمح من غير ما زود أرض أو مياه أو طاقة عمل.. هي نفس المساحة والوقت.. مليون طن هزود 200 ألف طن على نفس الكمية وبالتالي التجربة بتاعتك مهم أوي الحديث معها وأكيد وزارة الزراعة معنية بالكلام .. الرقم ده لافت نظري".

حل المسألة بشكل حاسم.. السيسي: نسعي للوصول لأقصى إنتاجية من فدان القمح

السيسي عن تكلفة المشروعات التنموية: «بنعمل اللي استغرق 100 سنة قبل كدة مرة واحدة»

قال اللواء أحمد العزازى رئيس الهيئة الهندسية للقوات المسلحة، أن الدولة وضعت الأمن الغذائى على رأس أولوياتها، حيث تضافرت الجهود منذ 2014 لتحقيق استراتيجية مصر الزراعية 2030، كما أولت الدولة اهتماما كبيرا بالعديد من المشروعات الزراعية من خلال صيانة الرقعة الزراعية ومنع التعدى عليها بل والتوسع الأفقي، مشيراً إلى أن الفجوة المائية وصلت إلى 21 مليار متر مكعب سنويا.

وأضاف اللواء "العزازي" خلال افتتاح عدد من المشروعات التنموية بجنوب الوادي، بحضور الرئيس عبدالفتاح السيسي، أنه تم تعظيم الاستفادة من كل نقطة مياه وتقليل الفاقد منها واستخدام أساليب الزراعة والرى الحديث، مشيرًا إلى أن مشروع "توشكي" عانى من تحديات جمة أوقفته 20 عاما، كان أبرزها عدم وصول مياه النيل إلى أراضى ذات مناسيب أعلي، فضلا عن الحائط الجرانيتي.

تأهيل 140 ألف فدان

وكشف رئيس الهيئة الهندسية للقوات المسلحة، عن زراعة 430 ألف فدان جنوب الوادى بتكلفة 180 مليار جنيه حتى الآن، واستصلاح وتأهيل 140 ألف فدان منها استخدم فيها نحو 8 آلاف طن من المفرقعات للتغلب على الحائط الجرانيتى وإنشاء الطرق الفرعية والرئيسية وإنشاء بنية أساسية من الكهرباء ومحطات رفع المياه من خلال تنفيذ مرحلتين 1 و 2 حيث تم إنشاء 1500 طريق بعروض مختلفة، وشق طرق بعروض متغيرة.

تركيب 30 ألف عمود 

وواصل: " كما تم تركيب 30 ألف عمود ومد كابلات الجهد المتوسط والمنخفض وتركيب 11 موزع و700 محول وكشك كهرباء وإنشاء 2 محطة رفع مياه عملاقة بإجمالى 11 مليون متر يوميا، كاشفا عن البدء فى دارسة المرحلة الثالثة للمشروع لإضافة 40- 60 ألف فدان من خلال تنفيذ البنية الأساسية لشبكة المياه والكهرباء اللازمة للمرحلة.

وشدد على حرص الدولة خلال العشر سنوات الماضية على إنشاء شبكة طرق وتطوير شبكة الطرق الرئيسية حيث تم إنشاء 6600 كيلو متر بتكلفة 220 مليار جنيه، تولت القوات المسلحة مسؤولية تنفيذ العديد من مشروعات الطرق بهدف رفع المعاناة عن المواطنين خاصة فى الجنوب وخلق آفاق جديدة وتيسيير حركة النقل والربط بين محافظات شمال وجنوب الوادي، وتقليل المسافة بين محاور النيل وتسهيل حركة البضائع والمواطنين.