هلا رشدي: أنا مش بستحرم الموسيقى

خرجت الفنانة هلا رشدي، للرد على سؤال إحدى متابعيها حول عدم وضعها للموسيقى في الفيديوهات الخاصة بها بسبب حرمانيتها.

هلا رشدي: أنا مش عايزة حد ياخد برأيي ولكن أنا مش بستحرم الموسيقى خالص

وقالت هلا رشدي في تصريحات يرصدها تحيا مصر، عبر خاصية ستوري على حسابها الرسمي بموقع تبادل الصور والفيديوهات القصيرة إنستجرام: أنا مش عايزة حد ياخد برأيي ولكن أنا مش بستحرم الموسيقى خالص، المزيكا حلوة من غير كلام، والكلام الحلو بيحفز الواحد.

هلا رشدي: إن شاء الله ميكونش عليا ذنب في الموسيقى

وتابعت هلا رشدي، ممكن نسمع أغنية عن سيدنا النبي صلى الله عليه وسلم، بنحس إننا طايرين وعايزين نروح الحرم، وأنا مش بستحرم الموسيقى بصراحة وإن شاء الله ميكونش عليا ذنب.

هلا رشدي: يا رب يطلع قانون يمنع الإيحاءات الجنسية

وكانت كتبت رشدي عبر حسابها الرسمي على موقع التواصل الاجتماعي «فيسبوك»: "يا رب يطلع قانون يمنع الإيحاءات الجنسية، والتلاعب في الألفاظ في أفلامنا الحلوة، ونبطل نسخسخ عليها في السينمات، وصوتنا يجيب آخر القاعة، فـ نشجَّع صُناع العمل يزودوا الجرعات".

وأضافت: "نتيجة التساهل ده بنشوفه في الحياء اللي بيختفي، وواحدة واحدة سقف الخروج عن النص بيزيد في حياتنا العامة.. الفن رسالة".

هذا وقالت رشدي عبر حسابها الرسمي على موقع التواصل الاجتماعي فيس بوك: "شئ مقزز لما تكون النماذج الملتزمة في معظم تاريخ الأعمال الفنية.. دا إذا مكنش كلها.. مستفزة ومنفره وتكره أي حد في الالتزام".

وفي تصريحات خاصة لموقع تحيا مصر، أوضحت: أنا بحب المسارح اللي روحها حلوة، والساقية دايما روحها جميلة وأما بحب أحضر حفلة في الساقية بستنى البرنامج اللي هيكون فيها عشان احضرلها، بحس مسارحها دفا اكتر من المسارح الكبيرة أوي دي.

واستكملت: لمة وفوانيس كانت أغنية اتبعتتلي على الواتساب وأنا عندي شعراء كتير بيبعتولي كلمات على الواتساب وأنا مش بكون عرفاهم بس انا بسمع كل حاجة لحد ما سمعت الأغنية دي كان محمود صالح بيدندنها، فقولتله أنا زي الفل كدة أنا هاخد دي سجلت وصورت وخلاص، وبهتم أن الكلام يبقى حلو وليه معنى واللحن يمسك في الودن.

فيلم ودويتو.. هلا رشدي تكشف عن أعمالها الفنية الجديدة

هلا رشدي: مش بركز في الانتقادات اللي بتتكتب عني واي بني آدم بيغلط لازم مندلهوش أكبر من حجمه| خاص

ولفتت، الانتقادات كلها بتزعل الا النقد البناء لكن أنا مش بركز للكلام اللي بيتكتب نهائي واي بني آدم بيكتب تعليق مش قد كدة أو بيغلط بالنسبالي بني ادم مش سوي، فلازم مندلهوش حجم اكبر من حجمه عشان يبقى طول الوقت خايف ومستخبي ورا الكيبورد.