هشام ماجد: بيهمني اعرف الايرادات و تايسون ممثل مرعب

فجر الفنان هشام ماجد، عدة تصريحات خلال حلوله ضيف على برنامج أسرار النجوم، في حلقة اليوم الخميس، مع المذيعة إنجي علي، على نجوم إف إم.

هشام ماجد: حاليا بصور فيلم إكس مراتي

وقال هشام ماجد في تصريحات يرصدها تحيا مصر: حاليا بصور فيلم إكس مراتي وهو من إخراج معتز التوني وتأليف كريم سامي ومحمد عبد الوهاب، ومعي محمد ممدوح تايسون وأمينة خليل وهي تركيبة رائعة، وتايسون صديق عزيز وإنسان رائع وهو ممثل مرعب بالنسبة لي.

هشام ماجد: مفيش ممثل لا يشغله الإيرادات 

وتابع، مفيش ممثل لا يشغله الإيرادات بالتأكيد، ويهمني معرفة يوميا الفيلم عمل كام لأنها حاجة تحدد قيمتك ومصيرك في السوق لذلك أهتم بالمتابعة، أنا عاشق للسينما ومعروف دائما إن الفيلم يعيش أكثر من المسلسل.

هشام ماجد: أمينة خليل فنانة مميزة بتعرف تختار أعمالها

وأضاف هشام ماجد، أمينة خليل أيضا فنانة مميزة بتعرف تختار أعمالها بشكل كويس، وهدفها التغيير وتقديم الدور المختلف، ودمها خفيف جدا وفي الفيلم الجمهور سيراها بشكل لذيذ، وأنهينا جزءا كبيرا من التصوير وقريبا سيطرح في السوق.

من جانبه، قال هشام ماجد: وقت لما كنا بنعمل رجال لا تعرف المستحيل كنا بنهزر ومكنتش أتوقع إننا نوصل لكل ده، لأن عمري ما كان حلمي إني أكون ممثل، بس مع الوقت بتكتشف جواك مواهب مكنتش عارف إن هي عندك، وابتدينا في الجامعة نعمل رجال لا تعرف المستحيل وانتشر جدا وكنا بنعمل أفلام قصيرة، ومن فيلم للتاني حبينا الشغلانة وبدأنا نشتغل على نفسنا، وإحنا أول ناس تعمل السينما المستقلة بكاميرا فيديو.

وتابع: اتخرجت من هندسة وابتديت اشتغل مهندس ونسيت التمثيل شوية، لغاية ما جت فرصة في التانية وكنت بعمل الأفلام دي وأنا لسة في الهندسة، لغاية ما اكتشفت إن التمثيل هو الكارير بجد، والموضوع مش مجرد هزار، ده هيبقى أكل عيشي فعلا، فـ سبت هندسة وبدأت أركز في التأليف والتمثيل.

وأضاف: فيلم ورقة شفرة ده بعتبره ابني البكري، وفي العرض الخاص بتاعه، مكنتش مصدق إني شايف نفسي على شاشة كبيرة قدامي وبقول هي الناس دي بجد بتتفرج وبيضحكوا بجد ولا بينافقونا؟ وكان إحساس غريب لما الناس بدأت تسقف، فالفيلم ده كان أغلى فرحة عندنا في كل أفلامنا.

وأردف: مُقل شوية في التأليف لـ غيري، عشان خلاص بقيت عايز أعمل حاجات لنفسي، فالتأليف لحد تاني بياخد وقت كتير ومجهود ذهني كتير، وبيبقى في تضارب مصالح، يعني ممكن أكون بكتب وألاقي إيفيه عجبني، أقول طب ما أنا اللي عايز أقول ده، فركزت مجهودي في التأليف لنفسي.

هنا الزاهد: هشام ماجد ملتزم بالصلاة وفي الكوميديا هو مختلف عن اي حد موجود

هشام ماجد يسخر من رامي رضوان بسبب صورة

واستكمل: أنا وأحمد فهمي كنا كاتبين جزء من فيلم بوشكاش قبل ما نعرف إن محمد سعد اللي هيعمله، فلما عرفت إننا هنعملهوله، فرحت فرحة غير عادية، أنا بحبه وهو قعدته حلوة، ودخلتله فيلم بوحة 3 مرات.