في عيد ميلاد عادل إمام.. عايدة رياض: محظوظة أني اشتغلت مع أسطورة بحجم الزعيم

أعربت الفنانة عايدة رياض عن سعادتها وفخرها بالعمل مع الزعيم، وذلك بمناسبة عيد ميلاد عادل إمام الذي يحل اليوم الجمعة الموافق 17 مايو.

ونشرت عايدة رياض صورة يرصدها تحيا مصر تجمعها بالزعيم من أحد الأفلام عبر حسابها الرسمي بموقع تبادل الصور والفيديوهات القصيرة إنستجرام، وعلقت قائلة: اه مهو خلاص ما انت كلت وشربت وحضنت وبوست.

عايدة رياض تهنئ عادل إمام بعيد ميلاده 

وتابعت عايدة رياض: زعيمنا الغالي كل سنة وأنت طيب وبخير وبالصحة والسلامة طبعا أهم حاجة وعقبال يا رب سنين كتير سعيدة كتير ان كان في عمل يجمعنا والحمدلله فعلا ان العمل دا محفوظ في ذاكرة كل الناس وبعتبر نفسي محظوظة جدا جدا إني اشتغلت مع أسطورة بحجم الزعيم.

عايدة رياض: عادل إمام أسطورة الفن إنسان جميل فنان بيحب جمهوره

وسبق وقالت عايدة رياض في عيد ميلاد الزعيم عادل إمام: كل سنة وأنت طيب ويا رب مليون سنة في صحة وستر، أستاذ عادل إمام أسطورة الفن، إنسان جميل، فنان بيحب جمهوره وبيحب زمايله الفنانين وبيحب وطنه، وأنا بحب كل حاجة جميلة فيه، وأنا بحبه جدًا وبحب فيلمي معاه وهو اللعب مع الكبار، وأحلى حاجة في الدنيا، أستاذ عادل إمام إنسان بسيط جدًا".

وتابعت: أحلى علقة في حياتي، عملنا بروفة مع الأستاذ شريف عرفة، وكنت صغيرة ورياضية وفي الفرقة القومية راقصة، قالي بقولك إيه اوعي تضربيني ضربة كده ولا كده، وأنا قولتله لا إنت اللي تاخد بالك مني، وبعدين لاقيته ضربني بجد، وأنا كنت بقاوم، وروحت مدياله بالدماغ، راح شالني هبدني على الترابيزة.

وأضافت، هناك الكثير من المواقف الإنسانية التي جمعت بيني وبين الزعيم، من بينها الموقف عندما كنت أسجل موقف كلوز لا يحتاج إلى الممثل الذي أمامي كان يرفض تركي ويظل معي ليدعمني حتى أنتهي من تصوير مشهدي، وحتى لو كومبارس هيقول جملة": "عشان كده هو عادل إمام، لن يتكرر، هو رمز الفن في مصر، ورمز المحبة، وهو واجهة مصر الفنية، هرم من أهرامات مصر.

الزعيم عادل إمام: مبحبش عيد ميلادي وولادي بيحتفلوا بيا

في عيد ميلاد عايدة رياض.. سبب تلقيها «علقة سخنة» من محرم فؤاد أثناء الخطوبة

من جانبه، تحدثت عايدة رياض عن تجربتها مع السرطان قائلة: كل ما أشوف الصورة دي بشكر ربنا أنه أحياني من تاني بعد ما كان السرطان واكل صحتي وجلسات الكيماوي، كانت بتوقع لي شعري، ممكن تاخدوا بالكم من ملامحي كانت مرهقة إزاي».

وأضافت: «محدش هيحس بالمرض إلا صاحبه أنا فعلا وقتها كنت في حالة صمت وكنت بشتغل وأنا مريضة كانت معاناة والحمدلله ربنا قومني بالسلامة، ووقفت على رجلي من تاني وكل ما أقوم من النوم بحمد ربنا إنه شفاني وعافاني ربنا يحميكم ويحفظكم يا حبايبي».