أحمد جلال عبد القوي: خطيبتي سابتني بسبب المخدرات.. وأتمنى العمل مع محمد رمضان

حل الفنان أحمد جلال عبد القوي ضيفًا على برنامج كلام الناس بعد فترة من الغياب، وتحدث خلال حواره مع الإعلامية ياسمين عز عن المرأة في حياته وتفاصيل انفصاله عن خطيبته بسبب المخدرات بالإضافة لحديثه عن الفنانين المقربين له والذي يرغب في التعاون معهم.

أحمد جلال عبد القوي: الستات إيمانهم ضعيف.. وربنا مخاطبش المرأة ولا مرة

كشف الفنان أحمد جلال عبد القوي عن نظرته للمرأة ودورها في المجتمع وعلاقتها في الرجل، وجاءت تصريحاته التي رصدها موقع تحيا مصر مثيرة ومفاجئة للجمهور حيث قال: "الستات إيمانهم صعيف ودي حاجة معروفة ويوم القيامة معروف كلهم هيمشوا ورا المسيح الدجال، واتقال عنهم ناقصات عقل ودين.. وربنا مخاطبش المرأة ولا مرة لأن قدرتهم على الاستيعاب أقل من الرجالة".

وتحدث عن خطيبته التي تركها بسبب إدمانه للمخدرات وقال: "انا عمري ما اتجوزت ومعنديش استعداد للجواز لأنه مسؤولية وانا مش عايز دا دلوقتي، لكن خطبت مرة وانفصلنا بسبب المخدرات لكن محستش ان الموضوع فارقلي لأن أنا مبتهمنيش الحاجات دي وبشرف نفسي فوق أي حد".

أحمد جلال عبد القوي يروي تفاصيل إدمانه للمخدرات: قعدت مدمن 4 سنين وكنت سعيد

شريهان تحتفل بعيد ميلاد الزعيم عادل إمام: شرفت بلدك وشعبك

أحمد جلال عبد القوي: أتمنى العمل مع محمد رمضان ومحمد سامي بينور اللي معاه

واندهشت الإعلامية ياسمين عز بفهم الفنان أحمد جلال عبد القوي بأمور الدين وتفاصيله وتابع حديثه عن الدين ومدى قربه من الله قائلًا: "أنا مش متدين انا عندي وعي بأمور الدين لكن انا مش متدين، وبحب ربنا جدا وقريب مني اوي لكن الكسل والتأجيل بيخليني مش ملتزم بكل الفروض لدرجة اني أكون متدين".

وأضاف: "مش بفكر في الجواز دلوقتي وأولوياتي شغلي انا عندي شغل بعيد عن الفن لأني متعودتش أحتاج لحد، وبشوف نفسي فوق أي حد ولو حد شايفني كممثل وحاببني اشارك معاه يكلمني ويقولي مثلت ايه ويتفرج على أعمالي، ونفسي أمثل مع محمد رمضان وأقف قدامه ونيللي كريم، ولو هتكلم عن مخرج هيكون محمد سامي بينور أي حد معاه ومتميز جدًا".

نصيحة نور الشريف لـ أحمد جلال عبد القوي ولماذا لم ينفذها

كشف الفنان أحمد جلال عبد القوي عن نصيحة كلًا من الفنان نور الشريف بعد نجاحه في مسلسل حضرة المتهم أبي الذي جسد فيه دور ابنه، ونصيحة والده الكاتب الكبير جلال عبد القوي وجاءت نصائحهم له مميزة وقال: "الاستاذ نور الشريف قال لي بعد الدور دا هتمشي في الشارع الناس تشاور عليك ودا حصل، ونصحني إني هبقى نجم لكن أحافظ على نجوميتي ودا اللي انا منفذتوش وضيعت كل حاجة، ووالدي قال لي لو كان عندك شوية تركيز زيادة كنت قدمت الدور أحسن من كده لكن وقتها كنت في المعهد وعندي مسرحية ومشروع تخرج ودا اللي حصل وانا فعلا حاليا بقول ياريت الدور يتعاد وهعمله احسن كتير".