سيف زهران مع منى الشاذلي: أحمد حاتم اللي شجعني على الكتابة وكريم فهمي تنبأ لنا بالظهور معاكي

فجر صانع المحتوى سيف زهران عدة تصريحات خلال حلوله ضيف على الإعلامية المصرية منى الشاذلي، في برنامجها معكم منى الشاذلي، الذى يعرض على قناة ON، بعد تألقه بمسلسل مين اللى صاحب آية.

سيف زهران في معكم منى الشاذلي 

وقال سيف زهران في تصريحات يرصدها تحيا مصر: اللى تنبأ لنا بالظهور مع حضرتك هو النجم كريم فهمي، كنا قاعدين في مكتب عمرو محمود ياسين، كريم فهمي أول ما اتفرج على أول حلقة قالنا هتتطلعوا مع منى الشاذلى على فكرة، ولما جاتلنا المكالمة إننا هنظهر مع حضرتك كلمنا كريم فهمي فيديو وقولنا هنظهر معاكي.

سيف زهران: أنا وشرقي من زمان كنا عاوزين نمثل

وتابع زهران: أنا وشرقي من زمان كنا عاوزين نمثل، أنا في فترة في حياتى اتجهت للكتابة وكنت في فريق كتابة برنامج أبلة فاهيتا، كان ده بجوار التمثيل، كنت في فترة وحشة في حياتي، وأحمد حاتم صديقي وأخويا وقف معايا، وشجعني إنى أكتب.

تصريحات سيف زهران 

وأضاف، وأنا كان في فكرة فيلم لصديق ليا كنت عاوز أعمل، وحاتم ساعدني وقالى أكتب الفيلم، وإنه هيشارك معايا أنا وشوقي، وإنه يمثل معانا علشان يقف معايا، أحمد حاتم واقف معايا في كل حاجة.

من جانبه، قال كريم فهمي: لم أفكر في الإلحاد، وبالتأكيد يأتي لي الكثير من الأفكار والتساؤلات، مثل ليه أهالينا في فلسطين بيحصل فيهم كدة، نفسي ربنا يجازي الناس التانية، أنا عارف إن ربنا هيعمل حاجة وشايل حاجة في وقت ما، لأن ربنا هو من يكتب سيناريو البشرية، سيناريو هو الأدرى به، لكن أنا أستعجله.

وتابع، مراتي استحملتني من ساعة ما اتقدمتلها لغاية دلوقتي وبتستحمل ضغط شغلي واستحملت أن عيني زايغة.. ومفيش راجل عينه مش زايغة، وهي قدرت تتحكم في حياتي ومفيش قرار باخده غير لما اقولها وبقيت أطمن لما ادخلها في تفاصيل حياتي،  والسوشيال ميديا  بتظهر أننا عايشين حياة ملائكية بس احنا بيحصل بينا مشاكل كتير جدا.

الخميس.. أبطال فيلم شقو في ضيافة برنامج معكم منى الشاذلي

بعد إثارته الجدل.. طارق الشناوي ضيف برنامج معكم منى الشاذلي

واستطرد، طول الوقت بقول إني لا أتحمل عليهم أي شيء، وأوقات بيدفعوني كمصدر قوة إني لازم أشتغل وأجتهد عشان آخد فلوس وأقدر أصرف عليهم.

واستكمل، دايما بتعامل مع بناتي بقناع الدلع، ومش عايز أحسسهم بأي مشاكل حتى لو فيه مشاكل بين أي أب وأم مش لازم أحسسهم بحاجة زي أي بيت، وأهم حاجة إنهم غيروا في حياتي كتير.

وأوضح، دانيا مراتي بتدلعهم لكن أوقات بتكون ناشفة معاهم لمصلحتهم بشكل ما في أوقات كتير، ومينفعش إحنا الاتنين نعمل دا، واديتهم اطمئنان اتحرمت منه.