بالتعاون مع عبد الباسط حمودة.. ياسمين عبد العزيز تطرح برومو حملتها الإعلانية لفودافون

طرحت الفنانة ياسمين عبد العزيز برومو حملتها الإعلانية الجديدة لشركة فودافون، وذلك بالتعاون مع نجم الأغنية الشعبية المطرب عبد الباسط حمودة.

حملة ياسمين عبد العزيز الإعلانية لشركة فودافون 

ونشرت ياسمين عبد العزيز عبر حسابها الشخصي على موقع تبادل الصور والفيديوهات القصيرة إنستجرام، برومو أغنيتها لحملة فودافون التي يرصدها تحيا مصر، وعلقت عليها قائلة: أنا من دلوقتي مش هعمل غير اللي أنا عايزاه قريبا.

ياسمين عبد العزيز مع صاحبة السعادة

من جانبه، قالت ياسمين عبد العزيز في لقاءها مع إسعاد يونس: لما جوزي كان بيديني مصروف كنت برفض لاني كنت متعودة اني انا اللي بصرف على نفسي وبدي وعمري ما اخدت.

وتابعت ياسمين عبد العزيز: كنت بروح المدرسة كله عارفني والعيال بيتلموا حواليا مبعرفش امشي فشغلي خد مني طفولتي وحريتي.

تصريحات ياسمين عبد العزيز 

وأضافت ياسمين عبد العزيز، كنت بترفد كل أسبوع وأمي متعرفش بسبب شقاوتي كنت بروح بجينز بدل الجيبة وبقلع الجرافتة.

واستطردت ياسمين عبد العزيز: كنت مركزة في راسى إنى عاوزة أبقى حاجة ويكون معايا فلوس وناجحة، ولما دخلت في شغل الإعلانات وأنا عندى 12 سنة، امى كانت بتيجى معايا التصوير، وأنا اللى كنت بأتفق على كل حاجة وعلى الفلوس، وأنا اللى بقول هعمل إعلان إيه بالظبط".

وتابعت، بدأت الإعلانات وكان عندى 12 سنة، وكنت بحب أتفرج على الإعلانات وأتفرج على البنات وكنت أقعد أقلدهم وأعمل زيهم، ودايما في حاجة لما يكون نفسك في حاجة بتخيل نفسى في الحاجة اللى عوزاها".

واستكملت، سبحان الله كان في صديقة لوالدتى اسمها دينا بتشتغل في شركة إعلانات، وكانت هي سبب بعد ربنا في بدايتى في الإعلانات، لأنها لما شافتنى عرضت عليا إنى أعمل إعلانات فقلت لها آه طبعا، امى كانت موافقة لكن والدى واخويا الكبير مكانوش موافقين.

تفاصيل عودة ياسمين عبد العزيز للدراما بعد غياب العام الماضي

رجعوا لبعض.. رشا سامي العدل تكشف مفاجأة حول ياسمين عبد العزيز وأحمد العوضي| عاجل

وقدمتها إسعاد يونس قائلة: بدأت وهي طفلة صغيرة والجمهور ابتدوا يتوقعوا منها توقعات لأدوارها ويستنوها لما تكبر ويتابعوها وكأنها بتتربى في حضنهم بكل مراحلها، شوفناها بتطور ازاي وبتشتغل ازاي وبتاخد خط مختلف عن اي خط تاخده بنوتة حلوه هي مش بس بنوته حلوه هي تركيبة شكلًا حلوة ومخًا حلوة وتعبيرات حلوة، عندها قبول اكنها بتقيس درجة حرارة القبول وبتظبط معاه لحد ما بقت نجمة سينمائية مختلفة واصبحت اسم الناس بتخشله رغم انها ست  ودي حاجة كنا بنعاني منها.. اتربت وسطنا وجت عملت خط تاني لوحدها وبدأت تعمل افلام ليها جماهيرية واضحة وليها نوع من الانحياز في مختلف الفئات لان ظهورها ارتبط بالذكاء، خليني اختصر كل دا واقول ان التحفة الفنية والغالية هي ضيفتنا ياسمين عبد العزيز.