من بينهم أشرف زكي وصلاح عبدالله.. نجوم الفن يشاركون مصطفى كامل فرحته بزفاف ابنته

شارك عدد كبير من نجوم ونجمات الفن المصري، الفنان مصطفى كامل نقيب المهن الموسيقية فرحته بزفاف نجلته مساء أمس السبت الموافق 11 مايو.

أبرز حضور حفل زفاف ابنة مصطفى كامل 

وكان على رأس حضور حفل زفاف ابنة مصطفى كامل، كل من: أشرف زكي نقيب المهن التمثيلية وصلاح عبدالله ونهال عنبر وبشرى وعماد زيادة وبوسي.

صلاح عبد الله يرجو طلبًا من فناني مصر

في سياق مختلف، كتب صلاح عبد الله في منشور يرصده تحيا مصر: رجاء للأصدقاء والزملاء اللي بيعرضوا فنهم في المملكة الشقيقة الغالية علينا كلنا…طبعاً الشكر الجزيل واجب وحق لكرم الضيافة والإستضافة والتقدير الواضح للفن المصري رواده ونجومه وكل عناصره لكن إنتوا ياحبايبي كمصريين عارفين طبيعة شعبكم وحساسيته فمش مطلوب منكم غير حاجة واحدة بس👇خلوا بالكم من كلامكم بس كدا.

صلاح عبد الله يتحدث عن ابنته

وعن ابنته، أوضح: بفرح قوي لما بسمع اسمي في الراديو وهمه بيقولوا دنيا صلاح عبدالله في حتة تانية دنيتي بكريتي ربنا يكرمك ياحبيبتي".

وتابع: أعترِف وتعقيباً على المنشور السابق بنتي دنيا لما تخرجت من إعلام قسم إذاعة وتليفزيون، حاولت أساعدها وفشلتْ ولما فشلت حسيت إني قُليل وعاجز وحزنت واكتأبت".

وأضاف: "لكن بنتي وكافحت ونجحت وساعتها أدركت رسالة المولى عز وجل، لما بنتي نجحت بفضله تعالى وبموهبتها وبمجهودها وإصرارها واعتمادها على نفسها، وافتكرت لما قلتلها زمان وأنا بحبس دموعي"أنا آسف يادنيا"".

واستكمل، دلوقتي بقولها "أنا فخور بيكي يادنيا"، فلا تكلي ولا تملي وإستمري والله ولي التوفيق يادنيتي، دنيا صلاح عبد الله.

تصريحات صلاح عبد الله 

وفجر صلاح عبد الله عدة تصريحات في برنامج أنا والقناع والتي تقدمه الإعلامية منى عبدالوهاب ويعرض عبر قناة الحياة: أنا طيب وبقول علي نفسي طيب.. والمخرج مجدي الهواري كان بيقولي هو في حد طيب يقول علي نفسه طيب.

وتابع: لما بحب أخبي اللى جويا بلبس قناع المبتسم، ودايماً بتكلم في الضحك، وأقول دايماً ابتسم تقدر تحقق ضحكة في أخر النهار.

أبرزهم مصطفى قمر وتامر حسني..نجوم الغناء يشعلون حفل زفاف ابنة مصطفى كامل

الكينج ونمبر وان.. أبرز حضور حفل زفاف ابنة مصطفى كامل

وأضاف: بيني وبين الشقاء عقد مفتوح بنسبة كبيرة، بالذات في الفترة الأخيرة من  حياتي من 2010، واللي عانيت فيها من ظروف صحية صعبة، وكنت بدعي ربنا يجعل معاناتي في ميزان حسناتي".

واختتم: محمد رياض كل لما يكلمني يقولي كل الناس بتحبك وعمري ما شفت حد رافضك، وأنا بقوله أكيد فيه ناس مبتحبنيش ويمكن فيه ناس مبتحبنيش بس بتتكسف تقول.