بعد إثارتها الجدل.. راندا البحيري: أنا مش بشتكي ومطلبتش حاجة من حد

تصدرت الفنانة راندا البحيري التريند خلال الساعات القليلة الماضية كما تصدرت محركات البحث الاجتماعي بعد تصريحاتها المثيرة  للجدل في إحدى البرامج التليفزيونية، مما جعلها تحرص على الرد وتوجيه رسالة لجمهورها بعد الأقاويل المتداولة عنها وخاصةً بعد التعليق على وزنها الزائد الذي ظهرت به في الأيام الماضية.

راندا البحيري: حالتي المادية كويسة جدا.. وشغالة في حاجات تانية غير التمثيل

وكتبت راندا البحيري عبر حسابها الرسمي بموقع التواصل الإجتماعي فيسبوك والذي رصده موقع تحيا مصر قائلة: "اطمنوا عليّ..أنا كويسة جدااا الحمدلله ..اللي كان مخليني مش فرحانو فتره طويلة ان كان فيه أسرار كتير و حاجات مقولتهاش لبني آدم و حاولت أقولها للناس المعنية بحلها و معرفتش بس بجد لما خرجت مني للناس القريبين الطيبين ارتحت الحمدلله جداً إنما فكرة الشغل و كده أنا مش بشتكي أساساً و لا عايزه حاجه من حد و الحمدلله أنا حالتي المادية كويسه جداً و شغاله في حاجات كتير تانيه غير التمثيل".

راندا البحيري تعلق على وزنها الزائد بشكل ملحوظ: اتصورت من زاوية مش حلوة

وأضافت قائلة: " بالنسبه للوزن الزائد اللي ظهرت بيه في حلقة الإعلامية الجميله أوي مروه صبري فـ أنا كنت خارجه من دور برد قاااااسي قعد معايا شهر خدت فيه ٣ علب مضاد حيوي و خدت دوا علشان اقدر أتنفس و خدت دوا للحساسية والأدوية خلت المياه تتحبس تحت الجلد ده غير إن الزاوية اللي اتصورت منها كانت مش حلوه تماما و الاضاءه متظبطتش علي وشي صح وانا كنت مرتبطه ب برنامجين برنامج مروه صبري و بعدها ب ١٨ ساعة برنامج مروة عبد المنعم علي قناة الشمس و بالرغم من ان الوزن الزائد مش حاجه المفروض أطلع أبررها".

راندا البحيري تكشف سبب اختفائها: راجل بيحاربني وبيطردني من كل عمل

راندا البحيري: احنا في دولة قانون مش ميغة

راندا البحيري: كان عندي مياه تحت الجلد ونزلت وانا دلوقتي بخير

واختتمت حديثها وهيوتوجع رسالة لجمهورها وتطمئنه عنها وقالت: "بس أنا حبيت أوضح مش أبرر علشان لاحظت إن فعلاً فيه ناس خافت عليّ و فيه ناس تانيه ابتدت تطلع إشاعات ان فيه عندي حاجه اكبر من كده بس الحمدلله أنا بطمنكم مفيش اي حاجه وا صلا المياه اللي تحت الجلد دي نزلت بعد تصوير البرنامج ب ٤٨ ساعه وانا دلوقتي حالا أحسن بكتير اوي اوي".

آخر أعمال راندا البحيري

في سياق مختلف تنتظر الفنانة راندا البحيري عرض أحدث أعماله الدرامية وهو مسلسل شمال إجبارى، ويشارك في بطولته عدد من نجوم الدراما المصرية منهم رندا البحيري، هاله فاخر، فراس سعيد، صلاح عبدالله، منير مكرم، عماد رشاد ، سامح الصريطي، نوليا مصطفي ويأتي من اخراج محمد خضري تاليف خالد الغيطاني ومن المقرر عرضه خلال الفترة المقبلة.