ياسمين عبد العزيز عن أحمد العوضي: أنا بعشقه وقلبي بيوجعني لما بشوف صورنا

أكدت ياسمين عبد العزيز على حبها الشديد لطليقها أحمد العوضي وذلك في لقاءها ببرنامج صاحبة السعادة المذاع عبر قناة dmc من تقديم إسعاد يونس الإعلامية القديرة.

أول تعليق من ياسمين عبد العزيز على توقع ليلى عبد اللطيف بطلاقها 

وقالت ياسمين عبد العزيز عن توقع ليلى عبد اللطيف بطلاقها هي والعوضي: طبيعي أي اتنين بيتطلقوا بيكون في قبلها مشاكل وناس حوالينا عارفين وأكيد بلغوا ومفيد حد بيعلم الغيب إلا ربنا.

ياسمين عبد العزيز: أحمد العوضي أول حب في حياتي

وتابعت عن العوضي، أنا مش بحب أحمد أنا بعشقه، أنا لما حبيت أحمد اكتشفت أني مكنتش بحب قبل كده، وأن أحمد هو أول حب في حياتي.. بتوجع و أنا بشوف صوري ما أحمد على السوشيال ميديا ومن ساعة ما اتطلقنا وأنا قلبي وجعني.  

ياسمين عبد العزيز: في ناس بتتمنى ليا الأذى انا والعوضي

واستطردت، في ناس بتتمنى لينا الشر والأذي، هما قاعدوا يقولوا أننا شوفنا بعض في حفل سحور برمضان، ودا محصلش خالص، يا جماعة ارحمونا بجد بلاش كلام بيتقال كدب.

هذا وقالت ياسمين عبد العزيز، أنا اشتريت عربية وشقة وأنا عندي 15 سنة، فلوس الإعلانات كنت بصرفها في الحاجة الصح مش الغلط، كنت مسئولة عن نفسي من وأنا صغيرة، أنا دايما اللي بدي مش باخد وبرج الجدي اللي هو برجي مسئول أوي".

ياسمين عبد العزيز: أمي وأبويا مطلقين من وأنا 9 سنين وكنت بصرف على نفسي وعلى اللي حواليا

ياسمين عبد العزيز: كنت برفض اخد مصروف من جوزي لأني اتعودت ادي

وتابعت، "أمي طيبة أوي فأنا قررت أبقى عكسها أوي من وأنا صغيرة، أمي ممكن حد يضايقها ومتردش ومتعرفش تاخد حقها وبتسكت، فأنا من جوايا شايفة أمي بتتظلم فقلت لنفسي مش عايزة أتظلم وأبقى شخصية قوية".

وشاركت ياسمين عبد العزيز طليقها أحمد العوضي في مسلسل ضرب نار وتدور قصة مسلسل ضرب نار في إطار شعبي تشويقي، إذ تبدأ الأحداث في إحدى قرى صعيد مصر، حيث يعيش جابر الكوماندا (أحمد العوضي) مع أسرته المكونة من والدته وشقيقه وشقيقته، ويمتلك محل "كاوتشات سيارات"، وفجأة تنقلب حياته ويضطر لترك قريته بعد جلسات عرفية، بسبب ثأر خاص بمحسن ابن عمه ويذهب جابر إلى القاهرة وبالتحديد إلى حي روض الفرج بشبرا وهناك يلتقي بمهرة أبو الليل (ياسمين عبدالعزيز)، حيث يستأجر منها محل أسرتها، كما تعمل مهرة في مصنع "عبايات" يقع في منطقة شعبية، وتكون مسئولة عن أخوها طارق، وأختها لولي بعد وفاة والدهم، وتتصاعد الأحداث بين جابر ومهرة حتى يرتبطا.